Bilim • 22 Sáýir, 2021

«Bolashaq» baǵdarlamasyna qujat qabyldaý 4 mamyrdan bastalady

9 ret kórsetildi

«Bolashaq» baǵdarlamasy boıynsha konkýrsqa qujattardy qabyldaý 4 mamyr kúni bastalyp, 28 qazanǵa deıin jalǵasady. Bul týraly Bilim jáne ǵylym mınıstriniń orynbasary Mıras Dáýlenov Ortalyq kommýnıkasııalar qyzmetinde ótken baspasóz konferensııasynda aıtty, dep habarlaıdy Egemen.kz mınıstrliktiń baspasóz qyzmetine silteme jasap.

 «Bolashaq» baǵdarlamasy boıynsha konkýrsqa qujattardy qabyldaý 4 mamyr kúni bastalyp, 28 qazanǵa deıin jalǵasady. Stıpendııalar úsh kezeńde – maýsym, tamyz jáne qarasha aılarynda taǵaıyndalady. Baǵdarlamanyń erekshe jańashyldyǵy Negizgi daıyndyq jumystary júrgizildi. Stıpendııalardy berýdi úsh kezeńde: maýsym, tamyz jáne qarasha aılarynda júrgizý josparlanýda», dedi Mıras Dáýlenov.

Mıras Dáýlenovtiń aıtýynsha, 2021 jylǵa arnalǵan tizbede akademııalyq oqytýǵa arnalǵan 80 mamandyq pen taǵylymdamadan ótýge arnalǵan 137 mamandyq qarastyrylǵan. Onyń ishinde ınklıýzıvti bilim berý, vırýsologııa, ýrbanıstıka, jańa materıaldar tehnologııasy sııaqty tyń baǵyttar bar.

Mamandyqtar jeti baǵyt boıynsha bólingen: ınnovasııalar jáne jańa tehnologııalar, ındýstrııalyq ınjenerııa, jaratylystaný ǵylymdary, áleýmettik ǵylymdar, bilim berý, medısına jáne kreatıvti ındýstrııa. Vıse-mınıstr bıyl «Bolashaq» baǵdarlamasyna 1055 stıpendııa bólingenin, onyń 500-i ǵalymdardyń taǵylymdamalaryna arnalǵanyn atap ótti.

«Sheteldik joǵary oqý oryndarynyń, oqýǵa usynylatyn sheteldik uıymdardyń tizimi sapalyq jáne sandyq jaǵynan ózgerdi. Bıyl tizimge úsh halyqaralyq akademııalyq reıtıngke kiretin 27 eldiń 207 joǵary oqý orny kirdi», dedi Mıras Dáýlenov.

Mınıstrlik ókili bıyl alǵash ret «Bolashaq» halyqaralyq stıpendııasyna qujattardy qabyldaý jáne konkýrstyq irikteý prosesteri tolyǵymen avtomattandyrylǵanyn eske saldy. Al irikteý kezeńderiniń sany altydan úshke deıin qysqartylyp otyr. Irikteý týrlary keshendi testileý, táýelsiz saraptama komıssııasynyń múshelerimen jeke áńgimelesý, shetelde kadrlar daıarlaý jónindegi respýblıkalyq komıssııanyń otyrysynda qujattardy qaraý sııaqty kezeńderden turady.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar