Aımaqtar • 22 Sáýir, 2021

Ekpe saldyrýshylar sany artyp keledi

10 ret kórsetildi

Jetisýda juqpaly indettiń taralýy az-kem báseńdegenimen, koronavırýspen aýyrǵan naýqas sany áli de alańdatarlyq deńgeıde qalyp otyr. Qazir oblys indet qaýipi jóninen «sary aımaqtaǵy» ornyn saqtap tur. Aımaqta saqtyq sharasyna qatysty shekteýler de qalpynda. Degenmen, jaǵdaıdy jaqsy deý­ge bolmaıdy.

О́kinishke qaraı, ótken táýlik ara­lyǵynda oblys dárigerleriniń kóme­gi­ne júgingen 240 adamnan koronavırýs anyq­talǵan. Sonyń ishinde Taldyqorǵan qalasynda 42 jaǵdaı tirkelse, Talǵar aýdanynda 30 naýqas, Eńbekshiqazaq aýdanynda 28 adam indet juqtyrǵan eken. Al Ile jáne Uıǵyr aýdandarynyń árqaısysynda 21 adamnan indet belgisi tabylsa, Qarasaı aýdanynda 20, Jambyl aýdanynda 18, Tekeli qalasynda 16, Panfılov aýdanynda da 15 jaǵdaı tirkelipti. Sondaı-aq Alakól aýdanynda 8 naýqas, Kóksý aýdanynda 6 naýqas, Kerbulaq jáne Sarqan aýdandarynda 4 naýqasqa medısınalyq kómek kór­se­til­se, Eskeldi aýdanynda 3 jaǵdaı, Aqsý aýdany men Qapshaǵaı qalasynda da 2 jaǵdaıdan anyqtalǵan.

Jalpy, oblys aýrýhanalarynda 2 612 adam koronavırýsqa qarsy em qa­byl­dap jatyr eken. Olardyń ishinde 52 naýqastyń jaǵdaıy aýyr kóri­ne­di. Al aımaqtaǵy juqpaly aýrýlar stasıo­narlaryndaǵy oryn sany 54,5 paıyz­ǵa tolyp otyr. Jáne dárigerlerdiń emi shıpa bolǵan 348 naýqas juqpaly indet­ten aıyǵyp shyqty. Sondaı-aq ótken úsh kún aralyǵynda oblysta 9 970 adam PTR synamasyn tapsyrǵan. Munan bólek, naýqastarmen qarym-qatynasta bolǵan 605 adam anyqtalyp, olardyń barlyǵy úı karantınine alynypty.

Al aımaqta juqpaly indetke qarsy ekpe alý naýqany qyzyp tur. Búginge deıin vaksınanyń I komponentin 101 477 adam salǵyzyp úlgerse, taǵy 10 432 adam ekpeniń II komponentin alǵan. Derek boıynsha, vaksınanyń I komponentin óńirdegi 17 myńnan astam medısına qyzmetkeri saldyrsa, 25 myńǵa jýyq pedagog jáne basqa da mindetti vanksına alýshylar men eriktiler ekpe saldyrǵan eken. Al ekpeniń II komponentin 7 298 medısına mamany, 2 801 pedagog, sol sııaqty tártip saqshylary men memlekettik qyzmetshiler alyp otyr.Sondaı-aq búginde Almaty oblysynda jal­py halyqtyq ekpe salý isine 239 egý pýnkti, 134 kóshpeli brıgada ju­myl­dy­ryl­dy. Bul arnaıy oryndar bir kezekte 7 myńnan astam adamdy qa­byl­dap, ekpe salýǵa qaýqarly eken.

Aıtpaqshy, indet oshaǵy azaımaı otyr­ǵan ortalyqtyń bir – Tekeli qalasy. Shaǵyn qalada ótken táýlik aralyǵynda 14 adamnan koronavırýs ınfeksııasy anyq­talǵan. Al sáýir aıynyń basynan beri júzden astam adam indetke shaldyqqan. Qazir de qaladaǵy aýrý­ha­nada 26 naýqas em alýda. Biraq ken­shi­ler qalasynda indetke qarsy ekpe sal­dyrýshylar sany azdaý bolyp tur. Vaksına saldyrǵandar sany 2 myń adamnyń shamasynda. Jaqynda Teke­li­­degi jaǵdaımen oblys ákiminiń oryn­ba­sary Batyrjan Baıjumanov pen oblystyń bas sanıtar dárigeri Erǵalı Sydymanov arnaıy tanysyp qaıtty.

– Qala shaǵyn bolǵanymen, juqpaly kese­ld­iń taralýy kúrt kúsheıgendikten tur­ǵyndar bul indetten qutylýdyń jal­ǵyz joly jappaı vaksına alý kerek eke­nin túsinýi tıis. Qazir 2 myńnan astam turǵyn ekpe alǵan. Aýrýhanada 3 egý bólmesi jumys istep tur. Ekpeni saqtaýǵa arnalǵan 3 tońazytqysh, 5 termokonteıner bar. Qosymsha 3 egý bólmesin ashý josparlanýda. Aldaǵy ýaqytta taǵy da 150 myń adamǵa jetetin ekpe keledi. Ony birden aýdan-qalalardaǵy egý meke­me­lerine taratamyz, – deıdi oblys áki­mi­niń orynbasary.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

Tarıhı shyndyqty moıyndaǵan jazba

Tarıh • Búgin, 07:35

«Tumardyń» jeńimpazdary anyqtaldy

Oqıǵa • Búgin, 07:33

О́zekti máselelerge nazar aýdaryldy

Parlament • Búgin, 07:26

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar