«Jol boıyndaǵy kafe ǵımaratynda ornalasqan kazıno zańsyz bolyp esepteledi. Tekserý barysynda 1 mıllıon teńgeden asa qarajat pen 900 AQSh dollary, poker oınaýǵa arnalǵan fıshkalar men oıyn kartalary tabyldy», dep habarlady departament ókilderi.
Sondaı-aq osy sekildi quqyqbuzýshylyqqa kýá bolǵan jaǵdaıda senim telefonyna habarlasýǵa keńes berdi.
«Qurmetti azamattar! Qarjy salasyndaǵy quqyqbuzýshylyqqa kez bolsańyz nemese osyndaı derekter sizge belgili bolsa, Aqmola oblysy boıynsha Ekonomıkalyq tergeý departamentine 8(7162)25-62-84 senim telefony arqyly habarlasýyńyzdy suraımyz», dedi vedomstvo ókilderi.
Gaýhar QAPASh
