Qazaqstan • 23 Sáýir, 2021

EUÝ men Ońtústik Kalıfornııa ýnıversıtetiniń professorlary birlesken konferensııa ótkizdi

160 ret kórsetildi

Búgin 23 sáýirde tuńǵysh ret L.N.Gýmılev atyndaǵy Eýrazııa ulttyq ýnıversıtetinde Ońtústik Kalıfornııa ýnıversıtetiniń (USC) professorynyń qatysýymen «Sıfrlyq dáýir: transmedıalyq tehnologııalardy qoldaný erekshelikteri» atty konferensııa ótti.

ZOOM platformasynda óte mazmundy, úlken qyzyǵýshylyqpen ótken konferensııa qazaq jýrnalıstıkasy tarıhynda tuńǵysh ret álemge tanymal amerıkalyq professor Genrı Djenkınspen birge ótkizildi.

Djenkıns Genrı Ońtústik Kalıfornııa ýnıversıtetiniń kommýnıkasııa jáne jýrnalıstıka boıynsha Annenberg mektebiniń Provost professory.

Ońtústik Kalıfornııa ýnıversıteti álemdik QS reıtınginde 120 orynda turǵan ataqty ýnıversıtet. Kommýnıkasııa men medıa zertteýler boıynsha Amerıkanyń eń úzdik ýnıversıteti bolyp sanalady. Al, ýnıversıtettiń Annenberg mektebi búkil álem tanıtyn ǵylymı ortalyq.

Konferensııa jumysyn ashqan L.N.Gýmılev atyndaǵy Eýrazııa ulttyq ýnıversıtetiniń Oqý isi jónindegi Prorektory, zań ǵylymdarynyń doktory, professor E.Á.Ońǵarbaev amerıkalyq professorǵa osy konferensııaǵa qatysýǵa kelisim bergeni úshin alǵysyn aıtyp, qurylǵanyna 25 jyl tolǵan  ýnıversıtet úshin halyqaralyq kollaborasııa árqashanda strategııalyq baǵyt bolyp qala beredi dedi.

chch

Ýnıversıtet prorektory bul konferensııa 2020 jyldyń «JOO Úzdik oqytýshysy» baıqaýynyń jeńimpazy EUÝ-diń professory Ulbosyn Meıirbekqyzy Esenbekovanyń bastamasymen ótkizilip jatqanyn aıtty. Ýnıversıtet professorlarynyń Amerıkanyń úzdik ýnıversıtetimen baılanys ornatýyn joǵary baǵalaımyz dedi. Ońtústik Kalıfornııa ýnıversıtetiniń Provost professory Genrı Djenkınske eki ýnıversıtet arasyndaǵy ǵylymı baılanystardy damytýǵa, birikken ǵylymı jobalar ázirleýge shaqyrdy.

555

О́ziniń quttyqtaý sózinde EUÝ-diń Prorektory E.Á.Ońǵarbaev Eýrazııa ulttyq ýnıversıteti Ońtústik Kalıfornııa ýnıversıtetimen ózara yntymaqtastyq týraly memorandým jasaýǵa daıyn ekenin jetkizdi.

Konferensııany uıymdastyrýshy professor Ulbosyn Esenbekova óziniń kirispe sózinde sıfrlyq tehnologııalardyń serpindi damýy árbir adamnyń, qoǵam men memleketterdiń ómirin tanymastaı etip ózgertip jibergenin, ǵalamdyq kommýnıkasııa ekonomıkalyq ıntegrasııany kúsheıtip, áleýmettik jáne tehnologııalyq damýdyń qarqynyn eselep ósirgenin aıtty.

Professor Esenbekovanyń «Aqparatty jetkizýdiń medıa aralyq strategııalary» avtorlyq kýrsyna qyzyǵýshylyq óte joǵary, bıyl bul kýrsqa Eýrazııa ulttyq ýnıversıtetiniń 25 magıstranty jazylǵan eken. Magıstranttardyń bir kýrsqa osynsha kóp jazylýy óte sırek kezdesetin qubylys jáne aqparat dáýirinde transmedıalyq tehnologııalarǵa degen suranystyń óskendigin kórsetedi.

aaa

Konferensııada qazaq magıstranttary professor Esenbekovanyń jetekshiligimen amerıkalyq professorǵa suraqtar qoıdy. Genrı Djenkınstiń ǵylymı zertteýleriniń baǵyttarymen, medıakonvergensııa men transmedıa storıtellıngtiń amerıkalyq medıa ındýstrııadaǵy orny men damý tendensııalarymen tanysty.

Magıstrant Qymbat Dosybekova «Professor, siz buqaralyq mádenıet teorııasyn zerttegen ǵalymsyz. Búgingi jastarǵa kommýnıkatıvti tendensııalar kúshti áser etýde. Qazaq jastary da ınternetke, jańa kommýnıkasııalyq formalarǵa táýeldi bolyp ósýde. Siz qalaı oılaısyz? Jastar jasandy ıntellekt damyp, jastar erteń óz betinshe oılaýdy, analız jasaýdy umytyp qalmaı ma?» degen suraǵyna Djenkıns myrza tańyrqaǵan keıippen, salmaqty jaýap berdi. Onyń oıynsha, «bul HHI ǵasyrdyń qıyndyǵy. Meniń elimdegi sııaqty sizdiń elde de jasandy ıntellekt adam eńbegin almastyrady dep qorqamyn. Men bul týraly amerıkalyqtarmen sóıleskende jumyssyz qalýdan, tabysynan aıyrylýdan qorqatyn adamdardyń kóp ekenin baıqadym».

jj

Professor Djenkınstiń «Konvergenttik mádenıet» atty kitabyn professor Esenbekova «must read» dep baǵalaıtynyn aıtqan magıstrant Indıra Jýmageldi  amerıkalyq ǵalymnyń Annenberg mektebinde aınalysatyn ǵylymı jobalary týraly surady.

Djenkıns myrza óziniń zertteý tobynda USC-diń 15 magıstranty jumys isteıtinin aıtty. Olar birlesip «transmedıa mádenıetiniń saıası áserin zertteıtini, bizdiń alǵashqy joba Amerıka Qurama Shtattaryndaǵy belsendi jastar týraly, mıgrasııa, adam quqyǵy, ekologııalyq máseleler, musylmandar quqyqtary týraly ǵylymı eńbekter jazatyny» týraly aqparat berdi.

Konferensııa jumysyn qorytyndylaǵan L.N.Gýmılev atyndaǵy EUÝ-diń Jýrnalıstıka jáne saıasattaný fakýltetiniń dekany, professor Saq Qaırat О́mirbaıuly úlken sharany bastap, uıymdastyrǵan Ulbosyn Meıirbekqyzy Esenbekovaǵa rızashylyǵyn bildirdi. Eki ýnıversıtettiń ǵalymdary birlesip ǵylymı jobalardy iske asyrýdy qoldaıtynyn aıtty.

Konferensııanyń nátıjeli jumysyn aıaqtaı kele Ulbosyn Esenbekova adamzat damýynyń tehnologııalyq sıngýlıarlyq kezeńi týraly máselelerdiń kún tártibine shyǵarylýy búgingi talqylanǵan transmedıalyq tehnologııalarǵa da qatysy bar ekenin kórsetti.

ý

Medıakonvergensııa men transmedıa  konsepsııasy avtorlarynyń biri Djenkıns myrzanyń konferensııaǵa qatysyp, óz oılarymen bólisýi de talqylanǵan taqyryptyń mańyzdy ekenin dáleldeıdi.

Amerıkalyq ǵalymdarmen birlesken ǵylymı zertteýler, ǵylymı kollaborasııa eki ýnıversıtetke de tıimdi ekenin aıtty.

Konferensııaǵa L.N.Gýmılev atyndaǵy EUÝ-diń oqý is jónindegi prorektory E.Á.Ońǵarbaev, Jýrnalıstıka jáne saıasattaný fakýltetiniń dekany Q.О́.Saq, Teleradıo jáne qoǵammen baılanys kafedrasynyń meńgerýshisi S.M.Dúısenǵazy, professorlar men oqytýshylar, magıstranttar men doktoranttar, Nazarbaev ýnıversıtetiniń ókilderi qatysty.

 

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar