Jobanyń ınvestory BAÁ-den developer «Ellington Properties Development LLC» kompanııasy bolyp tabylady, bas merdiger – «Renaissance Construction» kompanııasy. Jobanyń jalpy quny 1 trln teńgeden asady. Keshen aýmaǵy 2,6 mln sh.m., qosymsha qurylystar aýmaǵy 333 ga quraıdy. Munda aýmaǵy 15 myń sh.m. bolatyn akvapark, oıyndar aımaǵy, saıabaqtar, terrasalar, keńse jáne kommersııalyq úı-jaılar, qonaq úıler, áleýmettik jáne turǵyn úı ınfraqurylymy jáne t. b. ornalasady.
Jobanyń birinshi kezeńin (29 ga) 2022 jyldyń sońynda paıdalanýǵa berý kózdelgen. Jobany iske asyrý barysynda 21,3 myń ýaqytsha jáne 2 myń turaqty jumys orny qurylady.
Úkimet basshysy jańa aýdanǵa qajetti ınjenerlik-kommýnıkasııalyq ınfraqurylymdy jetkizýdi qamtamasyz etýdi jáne barlyq qurylys jumystaryn josparlanǵan merzimde sapaly oryndaýdy tapsyrdy.
Tekserý saparyna Premer-Mınıstrdiń orynbasary Roman Sklıar, Nur-Sultan qalasynyń ákimi Altaı Kólginov, ındýstrııa jáne ınfraqurylymdyq damý mınıstri Beıbit Atamqulov, qarjy mınıstri Erulan Jamaýbaev, energetıka mınıstri Nurlan Noǵaev, mádenıet jáne sport vıse-mınıstri Ǵabıdolla Ábdirahymov jáne t. b. qatysty.
