Partııaaralyq keńestiń músheleri bıýdjetti talqylaýǵa qatysady

Májiliske «2021-2023 jyl­darǵa arnalǵan respýblıkalyq bıýdjet týraly» zańǵa ózgerister men tolyqtyrýlar engizý týraly úkimettik joba tanystyryldy. Zań jobasynyń tanystyrylymy Palatanyń Qarjy jáne bıýdjet komıtetinde ótti. Is-sharaǵa depýtattarmen qatar, beınekonferensııa baılanysy arqyly mem­lekettik organdardyń, Ult­tyq banktiń, «Atameken» UKP, Qa­zaq­stan qarjygerler qaýym­das­ty­ǵy­nyń ókilderi, son­daı-aq Májilis ja­nyn­daǵy Par­tııa­aralyq keńestiń múshe­leri – Parlamentke usynylmaǵan Adal, «Aýyl» jáne JSDP par­tııa­­lary­nyń ókilderi qatysty. Oty­rysta respýb­lıkalyq bıýdjet parametrlerin naqtylaý týra­ly Qarjy mınıstri Erulan Jamaýbaev jáne Ulttyq ekonomıka vıse-mınıstri Azamat Ámrın baıandady.

Zań jobasyn ázirleýshilerdiń tú­sin­dirmelerine sáıkes, bıýd­jetti naqtylaý sheńberinde Nur Otan partııasynyń saılaýaldy tuǵyrnamasynda belgilengen birqa­tar mindetti sheshý jáne Mem­leket basshysynyń Qazaq­stan halqyna joldaýlarynda aıtyl­ǵan basym baǵyttardy iske asyrý josparlanyp otyr. Son­daı-aq qosymsha qarajat koronavırýs ınfeksııasymen kúresýge baǵyttalady.

Túsimder boıynsha boljam 1,1 trln teńgege ulǵaıa otyryp 12,6 trln teńge boljanýda. Tapshylyq IJО́-ge 3,5% deń­geıinde josparlandy. 2021 jyly respýblıkalyq bıýdjet­tiń shy­ǵys­tary 1,3 trln teńgege ósip, 15,3 trln teńgeni quraıdy.

Eldiń 2021-2025 jyldarǵa ar­­nal­ǵan áleýmettik-ekono­mı­­­ka­lyq damý boljamy sheń­berinde 2021 jylǵa arnal­ǵan mak­­­ro­ekonomıkalyq kórset­kish­ter­di naqtylaý kezinde nomınaldy IJО́ 2021 jyly 77 869 mlrd teń­ge kóleminde boljanady, bul maqul­danǵan boljamnan 1 207 mlrd teńgege joǵary. Naqty IJО́ 103,1% deńgeıinde boljanady. Jan basyna shaqqandaǵy IJО́ 9 655 myń AQSh dollaryn quraıdy.

Bıýdjettik zań jobasyn tal­qy­laý Qarjy jáne bıýdjet komı­tetiniń múshesi Anatolıı Boı­chın bastaǵan ju­mys tobynda jal­ǵasady. Onyń qura­myna Máji­lis janyndaǵy Partııa­ara­lyq keńestiń de músheleri kirdi.

– Májilistiń quramyna kir­megen partııalardyń Partııa­ara­lyq keńes sheńberinde ju­­mys istep jatqan depýtattarmen, sarapshylarmen, ÚEU-men qa­tar jumys toptaryna qaty­sý­ǵa quqyǵy bar. Biz mundaı múm­kin­­dik berilgeni úshin zor alǵys bil­­dir­gimiz keledi. Bizdiń sarap­tama­­lyq top respýblıkalyq bıýd­­jetke túzetýler engizý jumy­sy barysynda bıýdjet­tik baǵdar­lamalardyń árbir ákim­shisimen egjeı-tegjeıli pysyq­taıtyn bolady, – dedi Adal partııasynyń hatshysy Ánýar Kerembaev.

– Partııaaralyq keńes óz qa­jet­tili­gin dáleldedi. Qa­zir res­pýblıkalyq bıý­d­jetti tú­zetý máselesi talqy­laný­da. Bul eko­nomıkadaǵy jaǵdaı­dy jaq­sar­týǵa baılanysty máse­leler­diń jıyn­­tyǵy, – dedi «Aýyl» ha­lyq­tyq-demo­kra­tııa­lyq pat­rıottyq partııa­sy tóraǵasynyń birinshi orynbasa­ry Tó­leý­taı Ra­hym­bekov. Sonymen qatar T.Ra­hymbekov bul bıýdjettiń at­­qa­­rylýyna parla­ment­tik ba­qy­laýdy, bıýd­­jet aqshasy­nyń maqsatty jumsa­lýyna baqy­laýdy kúsheıtýge jáne osy ósim somalarynyń nege baǵyttal­ǵan­dyǵyna nazar aýdarýǵa bolatynyn atap ótti.

Al Jalpyulttyq sosıal-demo­kra­tııalyq partııasynyń ókili Qýat Kún­bolatov otyrysqa beınebaılanys arqyly qosy­lyp, ınflıasııa máse­lelerine nazar aýdardy.

Aıta ketý kerek, Partııaara­lyq keńes bir aı buryn Májilis Tóraǵasy Nur­lan Nyǵmatýlınniń bastamasymen quryldy. Búginde keńes músheleri – Qa­zaqstanda tirkelgen barlyq partııa­lar­dyń ókilderi Májilistiń qaraýyn­daǵy zań jobalary boıynsha jumysqa qatysýda.

Qazirgi ýaqytta Májilis ju­my­­syn­daǵy ózekti zań joba­larynyń qatarynda «Qazaqstan Respýb­lı­kasyndaǵy saılaý týraly» Qazaq­stan Respýblıkasynyń Kons­tıtýsııalyq zańyna ózgeris­ter men tolyqtyrýlar engizý tý­raly, óner­kásiptik saıasat týraly zań jobalary bar.

Májilis mundaı jumys nysany zań shyǵarý prosesin tıimdi, ashyq jáne Memleket basshysy bastamashylyq etken «Halyq únine qulaq asatyn memle­ket» tujyrymdamasymen úılesim­di etýge múmkindik beretinine senimdi.