Túrkistan oblysy PD Jergilikti polısııa qyzmeti basqarmasynyń tabıǵatty qorǵaý ınspektorlary jáne «Ohotzooprom» qyzmetkerleri «Ýyldyryq» is-sharasy kezinde olar «Qyzyl kitapqa» engen aqbókenderdi zańsyz atyp alǵan brakonerlerdi qolǵa túsirdi.
Túrkistan oblysy PD JPQ-nyń bastyǵy polısııa polkovnıgi Ulyqbek Myltyqovtyń aıtýynsha, birlesken reıdtik shara kezinde polıseıler kúdikti bolǵan motosıkl júrgizýshisi men jolaýshysyn baıqaıdy. Seziktilerdiń sońdarynan qýyp, toqtatady.
Tekserý júrgizý kezinde eki er azamattyń zańsyz ań atyp alǵandyǵyn anyqtaıdy. Iаǵnı olardan «Qyzyl kitapqa» engen 8 aqbókenniń tutastaı eti alyndy. Sondaı-aq 1 tirkelmegen ańshy myltyǵy men 14 aqbókenniń múıizi tárkilendi. Ustalǵan eki azamattyń Sozaq aýdanynyń jergilikti turǵyndary ekeni anyqtaldy.
Olar Sozaq aýdandyq polısııa bólimine jetkizilip, qamaýǵa alyndy. Qazirgi ýaqytta kúdiktilerge qatysty QR QK-niń 339-babynyń 2 bóligi «О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý» jáne QR QK-niń 337-babynyń 4 bóligi «Zańsyz ańshylyq» boıynsha sotqa deıingi tergep-tekserý amaldary júrgizilýde.
