Oqıǵa • 27 Sáýir, 2021

Kıeli keńistik kelbeti

117 ret kórsetildi

K.Aqyshev atyndaǵy Arheologııa ǵylymı-zertteý ınstıtýtynda «Saryarqanyń kıeli landshafty» kitabynyń tusaýkeserine arnalǵan dóńgelek ústel ótti. Bul – Saryarqa aýmaǵy kıeli keńistik retinde qarastyrylǵan alǵashqy eńbek.

Ujymdyq monografııada ınstıtýttyń ıtalııalyq arheo­logtarmen birlesken «Ar­heo­logııalyq kontekstegi Sary­ar­qanyń kıeli landshafty: ge­nezıs, tıpologııa, semantıka» jobasy boıynsha ǵylymı-zert­teý jumysynyń nátıjeleri kórsetilgen. Bul – Saryarqanyń aýmaǵy kıeli keńistik retinde qa­ras­tyrylatyn alǵashqy eńbek. Saryarqa óńiri baı muraǵa ıe jáne tól tarıhymyzdaǵy alar orny aıryqsha. Instıtýt jumysynyń ǵylymı-zertteý nátıjeleri jáne Aqmola, Esil jaǵalaýy arheo­logııalyq jumystarynyń 20 jyldyq kezeńinde alynǵan jańa materıaldardyń aýqymy tarıhı ınterpretasııalar deńgeıine shyǵýǵa jáne Saryarqanyń dalasyn qazaq memlekettiliginiń qalyptasýynyń etnostyq aýma­ǵy retinde usynýǵa múmkindik beredi.

«Tusaýkeserge mýzeı men máde­nıet ókilderi kezdeısoq shaqy­rylǵan joq. Sebebi bul jumys mýzeılerdiń ǵylymı-zert­teý qyzmeti úshin ústel kita­byna aınalýy kerek. Bizdiń mindetimiz árbir qazaqstandyq óńirdiń tarıhyn bilýi, ata-babalarymyz qaldyrǵan baı muranyń aýqymyn túsinýi úshin otandyq ǵalymdardyń zertteý materıaldaryn jurtshylyqqa jetkizý. Búginde «Bozoq» tarıhı-mádenı ortalyǵy ǵalymdardyń ǵylymı izdenisteri úshin turaqty jumys isteıtin túrli formattaǵy dıalog alańyna aınaldy. Biz ıns­tıtýttyń zertteýleri jurt­shy­lyq arasynda suranysqa ıe bolatynyna senimdimiz», dedi K.Aqyshev atyndaǵy Arheologııa ǵylymı-zertteý ınstıtýtynyń dırektory Maral Habdýlına.

Tusaýkeserge jetekshi arheologtar, etnologtar, barlyq óńirdiń murajaı qyzmetkerleri, sondaı-aq ǵylymı-zertteý ınstıtýttarynyń qyzmetkerleri qatysty. Dóńgelek ústel bary­synda monografııa avtorlary M.Habdýlına Saryarqa – Qazaqstannyń kıeli ortalyǵy taqyrybynda, atalǵan óńirdiń arheo­logııasyn zertteýdegi halyq­aralyq yntymaqtastyq táji­rıbesi boıynsha Jan Lýka Bonora, ınstıtýttyń dala baǵyttary jó­ninde D.Tleýǵabulov, Qara­ótkeldiń qalanyń kıeli nysany retinde V.Koshman baıandama jasady.

 

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar