Qoǵam tynyshtyǵyn kúzetedi

Baspasóz máslıhatyna Ulttyq ulannyń áskerı keńesiniń hatshysy Saverdın Imırov el Táýelsizdiginiń otyz jyldyq mereı­toıyn Ulttyq ulan sarbaz­dary zor yqylaspen qarsy alyp otyrǵanyn jetkize kelip: «Hal­qy­myzdyń azattyq jyldaryn­daǵy basty baılyǵy – turaq­tylyq, beıbitshilik jáne kelisim. Bul qun­dylyqtardy jáne qo­ǵamdyq qaýipsizdikti saqtaý úshin el qorǵany – Ulttyq ulan quryldy. Olar qoǵam men mem­lekettiń qaýipsizdigin, azamat­tarymyzdyń bostandyǵy men qu­qyǵyn, qylmystyq jáne basqa da zańǵa qaıshy áreketterden qor­ǵaıdy. Ulttyq ulannyń qatar­ynda qyzmet etý ol úlken abyroı men qurmet», dedi.

Onyń aıtýynsha, áskerde qyzmet etýge barlyq qajetti jaǵ­daı jasal­ǵan. Áskerı qyzmetshiler laıyqty jalaqymen, túrli áleýmettik kómek­termen jáne baspanamen qamtamasyz etiledi. Osylaısha, Ulttyq ulan Ishki ister organdarynyń biryńǵaı júıe­sine ene otyryp, jeke adamnyń, qoǵam men memlekettiń qaýipsizdigin qam­tamasyz etýge, adamnyń jáne aza­mattyń quqyqtary men bostan­dyǵyn qylmystyq jáne ózge de quqyqtyq qol suǵýshylyq­tan qorǵaýǵa arnalǵan. Búginde Ult­tyq ulanǵa zańmen 9 mindet júk­telip otyr. Olar 12 strategııalyq jáne 3 asa mańyzdy memlekettik ny­san­dy kúzetedi. Sondaı-aq qyl­mystyq-atqarý júıesiniń 42 mekemesin jiti qadaǵa­laý­da ustaıdy. Budan bólek sottal­ǵan­dar men qamaýǵa alynǵan adamdardy temir jol jáne avtomo­bıl kóligimen tasymaldaıdy. Joǵarǵy jáne áskerı sottardyń otyrystarynda da Ulttyq ulan­nyń jaýyngerleri qoǵamdyq tártipti qadaǵalaıdy.

«Jeke quram elimizdiń 19 qala­synda qoǵamdyq tártipti kúzetedi. Sonyń nátıjesinde, ótken jy­ly kóshe qylmysy 52,2%-ǵa azaı­dy. Osy jylǵy alǵashqy toqsannyń qorytyndysy boıyn­sha ulandyq áskerı jasaqtar kúshimen 3761 quqyq buzýshy quryqtalǵan. Sonyń ishinde 276 adam qylmystyq belgilerge qatysy bar degen derekpen ustalǵan. Sonymen birge 25 dana sýyq jáne atys qarýy tárkilendi. Memleket paıdasyna 2 mln teńge mólsherinde aıyppul óndirip alyndy», dedi Ulttyq ulannyń áskerı keńesiniń hatshysy.

S.Imırov Ulttyq ulan áskerı qyz­metshileriniń qoǵamdyq qaýipsizdikti qamtamasyz etýge qatysýynsyz birde-bir iri halyq­aralyq, qoǵamdyq-saıası, sport­tyq jáne basqa da buqaralyq is-sha­ralar ótkizilmeıtinin atap ótti. Bul tizimde V Astana ekono­mı­kalyq forýmy, Álemdik jáne dástúrli dinder kóshbasshy­lary­nyń sezderi, 2010 jylǵy EQYU sammıti, 2011 jylǵy Azııa oıyndary jáne taǵy basqalar bar.

Memleket basshysy Qasym-Jomart Toqaevtyń tapsyrmasy aıasynda Ulttyq ulanda ás­ker­lerdi vaksınasııalaý jumysy júrip jatyr. Búginde jeke quram­nyń 34%-yna ekpe egildi. Bul týraly Ulttyq ulannyń baspa­sóz hatshysy Rýslan Jan­gýlın málimdedi. Onyń aıtýyn­sha, áskerdegi vaksınasııalaý naýqanyn osy jyldyń 1 maýsymynda aıaqtaý jos­parlanyp otyr. «Áskerler polısııa departamentteriniń emhanalarynda jáne jergilikti jerlerdiń emhanalarynda egilýde. Munyń barlyǵy erikti túrde júrgiziledi. Sondaı-aq merzimdi qyzmettegi sarbazdar da vaksınasııadan ótip jatyr», dedi R.Jangýlın.

Bul rette S.Imırov áskerı qyz­metshilerdi vaksınasııalaý Ulttyq ulan basshylarynyń erekshe baqy­laýyna alynǵanyn alǵa tartyp otyr. Búginde 10 608 adam vaksınanyń 1-shi kom­po­nentin, 606 adam 2-shi kompo­nentin alyp úlgergen eken. Vaksı­nasııalaý jaýyngerlerdiń kúndelikti mindetterdi atqarý ereksheligine qaraı júrgizilip, ekpe jumysy keste boıynsha ótip jatyr. Sondaı-aq jýrnalıs­termen júzdesý barysynda Shaqyrý jáne jasaqtaý bóliminiń bastyǵy Farhat Aıdarbaev elimizde ás­ker­ge shaqyrý naýqany ótip jat­qa­nyn jáne Ulttyq ulan jaý­yn­­ger­lerine qandaı talaptar qo­ıylatynyn aıtyp ótti.

«18-27 jas aralyǵyndaǵy el azamattary jylyna eki ret kók­temde jáne kúzde áskerge shaqyry­lady. Qazirgi kezde shekara qyzmeti men qorǵanys mınıstrligine ásker­ge shaqyrý júrip jatyr. Ás­kerge shaqyrylýshylardy irik­teý jáne aldyn ala zerdeleý úshin Ulttyq ulandaǵy áskerı bólimderdiń ókilderi tartylady. Quramdy jasaqtaý barysynda negizi orta bilimi bar azamattar irikteledi. Bul rette, zańda belgilengen tártipke sáı­kes, buryn sottalǵan nemese Qylmystyq prosestik kodekstiń 35-babynyń tarmaqtaryna sáıkes jaýaptylyqtan bosatylǵan azamattar áskerge shaqyrylmaıdy. Son­daı-aq áskerge shaqyrylý­shy­nyń sottalǵandyǵy bar jaqyn týys­tary bolǵan jaǵdaıda da ás­ker­ge alynbaıdy», dedi F.Aıdar­baev.

Al Ulttyq ulannyń qataryna qosylýǵa nıet bildirgender jer­gi­likti áskerı atqarý organdar­yn­daǵy ókilderge júginýi tıis. El aý­maǵyn­daǵy 17 qalada merzimdi áske­rı qyzmet atqarýǵa bolady. Bó­lim bastyǵynyń aıtýynsha, basqa qurylymdarǵa qaraǵan­da Ulttyq ulan áskerleri qala or­ta­lyq­tarynda ornalasqan jáne jańa tehnıkalarmen jabdyq­talǵan.

О́tken jyly elimizde oryn alǵan túrli tótenshe jaǵdaılardy joıýǵa 5 myńnan astam áskerı qyzmetshi men 516 birlik tehnıka jumyldyrylypty. Ulttyq ulannyń jeke quramy jyl saıyn tabıǵı, tehnogendik sıpattaǵy tótenshe jaǵdaılardy joıýǵa qatysady. Sondaı-aq terrorızm jáne uıymdasqan qylmysqa qarsy toptarmen belsendi kúres júrgizedi. Baspasóz máslıhaty barysynda S.Imırov áriptesteriniń halyqqa kórinbeıtin qyzmeti týraly da baıandap berdi.

«Adamdar qıyndyqtar men qaýip-qaterge, apattarǵa dýshar bolǵan jerlerge Ulttyq ulan jaýyngerleri birinshi bolyp kómekke keledi. Almaty, Túr­kistan, Qaraǵandy oblystar­ynda­ǵy sý tasqyny kezinde, Arys qa­la­synda jarylys bolǵanda, Pav­lodar jáne Shyǵys Qazaqstan oblys­ta­r­yndaǵy orman órtterinde ulan­dyqtar alǵash bolyp kómekke attandy. Bıyl jaýyngerlerimiz qar qursaýynan 326 adamdy jáne 112 birlik tehnıkany evakýasııalady, – dedi S.Imırov.

Al pandemııa jaǵdaıynda Ulttyq ulannyń jeke qura­my jaýyngerlik qyzmetti kúsheı­tilgen rejimde at­qardy. Radıa­sııalyq, hımııalyq jáne bıolo­gııalyq qorǵaý bólimsheleri eli­­miz­diń 7 qalasynda 158 nysanǵa ar­naıy óńdeý jumystaryn (dezınfek­sııa) júrgizdi. Sondaı-aq 671 gektar­dan astam jer aýmaǵy óńdeldi. Áske­rı ujymdarda koro­navırýstyq ınfek­sııanyń tara­lýyna jol bermeý bo­ıynsha karantındik jáne sanıtarlyq is-sharalar qolǵa alyndy.