Sanjar Toǵaıdyń málimetinshe, aldaǵy ýaqytta aýdandyq ákimshilik ortalyq janynan Innovasııalyq óner ortalyǵy, «Taý samaly» yqshamaýdanynda múmkindigi shekteýli balalarǵa arnalǵan mýzykalyq mektep, eki dene shynyqtyrý-saýyqtyrý keshenin salý josparlanyp otyr.
«Densaýlyq saqtaý salasyna kelsem, jańadan salynǵan 4 emhanamen qatar, «Quramys» yqshamaýdanynda 500 oryndyq emhana, «Aqjar» yqshamaýdanynda 200 oryndyq januıalyq-dárigerlik ambýlatorııasyn salý jáne halyq shet turatyn aımaqtarda mobıldi ambýlatorııa ashý josparlanýda. Al bilim berý salasyna kelsem, sapaly bilim berý men mektepterdegi oryn tapshylyǵyn joıý úshin «Qalqaman» yqshamaýdanynda 2 mektep, «Qaraǵaly» yqshamaýdanynda bir mektep, «Qalqaman», «Qaraǵaly», «Shuǵyla» yqshamaýdandarynda 3 balabaqsha qurylystary bastalmaq», dedi ol.
