Koronavırýs • 27 Sáýir, 2021

Elordalyqtar QazVac vaksınasyn belsendi qabyldaýda

35 ret kórsetildi

Elordanyń medısınalyq mekemeleriniń egý pýnkterinde qala turǵyndary otandyq QazVac vaksınasyn belsendi túrde alyp jatyr, dep habarlaıdy Egemen.kz qala ákimdiginiń resmı saıtyna silteme jasap.

Mysaly «Abý-Dabı Plaza» saýda oıyn-saýyq ortalyǵynyń vaksına egý pýnkti 3 bólme jáne kútý zalynan turady. Ekpeni saldyrýǵa kelgen adam eń aldymen dáriger qaraýynan ótedi.

Dáriger pasıenttiń jaǵdaıyn tekserip, densaýlyǵyna qatysty birneshe suraq qoıady. Artynsha tamaǵyn, qan qysymy men dene qyzýyn ólsheıdi. Pasıenttiń hali barlyq parametrge saı kelse vaksına salatyn bólmege kiredi.

QazVac brendimen shyǵarylatyn QazCovid-In otandyq vaksınasy Dúnıejúzilik densaýlyq saqtaý uıymynyń tizilimine engizilgen. Ol bıologııalyq qaýipsizdik problemalarynyń ǵylymı-zertteý ınstıtýtynyń bazasynda jasalǵan. Vaksına koronavırýstyq ınfeksııaǵa qarsy turaqty ımmýnıtetti qalyptastyrady. Onyń qaýipsizdigi men basqa vaksınalarǵa qaraǵanda artyqshylyǵy dáleldendi. QazVac vaksınaassosıasııalanǵan aýrýlardy týdyrmaıdy.

Eki komponentti QazVac vaksınasynyń tıimdiligi klınıkalyq synaqtardan keıin 96%-dy kórsetken. Densaýlyq saqtaý mınıstriniń málimetinshe, búgingi kúni árbir jıyrmasynshy otandasymyz koronovırýsqa qarsy vaksına saldyrǵan. Otandyq vaksınanyń artyqshylyqtarynyń biri saqtaý sharttary. Eger «Sputnik V» vaksınasy tońazytqyshta -18 gradýs temperatýrada saqtalsa, QazVac vaksınasy 2-8 gradýs temperatýrada saqtalady.

«Men arnaıy osy qazaqstandyq vaksınany kútip, búgin saldyrdym. Meniń oıymsha, ǵalymdar, bıologııalyq qaýipsizdik ókilderi QazVac vaksınasyn óte joǵary deńgeıde jasaǵan. Saldyrǵan soń eshqandaı keri áserin baıqamadym. О́zimdi jaqsy sezinip turmyn», dedi astanalyq Aryn О́rsarıev.

Búginde elordada 100-ge jýyq egý pýnkti jumys isteıdi. Elordalyqtardy vaksınasııalaý úshin barynsha jaǵdaı jasalǵan. Sonymen qatar «Mega Silk Way», «Kerýen», «Han Shatyr» SOO-larynda egý pýnkteri ashylǵan. Qala turǵyndary qaýipti vırýsqa qarsy vaksınasııany belsendi qabyldaýda.

Aıta keteıik, 27 sáýirdegi jaǵdaı boıynsha elordada koronavırýsqa qarsy 95 myńǵa jýyq adam ekpe saldyrǵan. Onyń ishinde qala turǵyndary men qonaqtary, mádenıet jáne óner qaıratkerleri de bar

Sońǵy jańalyqtar

Kitaphanashylardyń jalaqysy az

Qoǵam • Búgin, 21:52

Elordanyń damý dańǵyly

Elorda • Búgin, 21:46

Shańyraq shattyǵyn syılaǵan meken

Elorda • Búgin, 21:42

«Nur-Sultan kitaphanasy»

Elorda • Búgin, 21:37

Qattalǵan tarıh qazynasy

Elorda • Búgin, 21:36

Ahańnyń adaldyǵy

Ahmet Baıtursynuly • Búgin, 21:25

Qaraly kezeń kartınasy

Qazaqstan • Búgin, 21:24

«Aıttym. Aıtýǵa tıis boldym!»

Suhbat • Búgin, 21:22

Parıjge syımaǵan Pol

О́ner • Búgin, 21:16

Baıaǵy jartas – sol jartas...

Sport • Búgin, 21:15

Eshkimnen jeńilmegen sańlaqtar

Sport • Búgin, 21:11

Qarttar úıindegi vals

Qoǵam • Búgin, 21:05

«Barys» jańa oıynshymen tolyqty

Hokkeı • Búgin, 21:00

Aqtaýdaǵy «Dombyra-dastan» aksııasy

Aımaqtar • Búgin, 20:47

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar