«26 sáýirde Selınograd aýdandyq Polısııa departamentine Aqmol aýylynyń 26 jastaǵy turǵynynan aryz tústi. Shaǵymdanýshynyń aıtýynsha, belgisiz bireý sáýirdiń 7-26 kúnderi aralyǵynda jeke medısınalyq mekeme esiginiń kiltin ashyp kirip, seıften 1 mıllıon teńgeden astam aqsha urlaǵan», deıdi PD ókili.
Atalǵan jaǵdaıǵa baılanysty Qylmystyq kodekstiń 188 baby «urlyq» boıynsha sotqa deıingi tergeý amaldary qolǵa alynǵan.
«Jedel izdestirý sharasy barysynda aryz ıesiniń ózi aqshany alyp, eki aı boıy jumsaǵany, keıin aýyryp qalǵany anyqtaldy. Jumysqa shyqqan soń ol óz qylmysyn jasyrý úshin polısııaǵa jalǵan aryz bergen. Áıel qylmysyn moıyndady. Qazirgi kezde kúdiktiniń ústinen Qylmystyq kodekstiń 419 baby «jalǵan málimet berý» boıynsha is qozǵalyp, sotqa deıingi tergeý amaldary júrgizilip jatyr» deıdi vedomstvo ókili.
