2009 jyldan beri Qazaqstannyń Nevshehır qalasyndaǵy qurmetti konsýly qyzmetin atqaryp júrgen Ýlýerdiń atsalysýymen Túrkııada birqatar kóshe men saıabaqqa Qazaqstan men qazaq tulǵalarynyń esimi berildi. Dástúrli túrde elimizdiń ataýly kúnderinde Kappadokııada áýe sharlarynda memlekettik týymyzdy jelbiretken Halıl Ýlýerdiń eńbegi orasan.
«Halıl Ýlýer tek óz eliniń emes, qazaq halqynyń naǵyz janashyr dosy edi. Qazaqstannyń kók týyn jelbiretip, Qazaqstan úshin maqtan tutatyn birtýar azamat edi. Pandemııa kezinde osyndaǵy stýdentterge kómektesip júrgen bolatyn. Qazaqstanǵa pandemııa kezinde gýmanıtarlyq kómek joldap, qol ushyn bergenderdiń aldyńǵy shebinde edi. Elimizge ınvestısııa tartý úshin kezdesýler ótkizip, kelissózder júrgizdi. Átteń, taǵdyr ony bizge qımady. Qasıetti Oraza aıynda Alla taǵala keshirimi men meırimin jazsyn», dedi Qazaqstannyń Túrkııadaǵy tótenshe jáne ókiletti elshisi Abzal Saparbekuly Facebook paraqshasynda.
Týrızmnen bastap avıasııa, teńiz, baspa jáne vızýaldyq BAQ pen qorǵanys salasynda 8 kompanııany basqarǵan Ýlýerdiń eki uly, bir qyzy bar.
