Ásem Nurǵalıeva keıingi kezderi basshylyq tarapanynan jábir kórip, áriptesterimen birge quzyrly organǵa shaǵymdanǵan. Alaıda tekseris barysy endi bastalǵanda ol baqılyq bolǵan.
«Ol: «qatty kúızelisten mıym qaınap júr, shydaı almaımyn, qýdalap esimdi shyǵardy» dedi. 20 kún buryn áriptesimen birge quzyrly organdarǵa mektep dırektorynyń ústinen shaǵym túsirgen. Bilim salasyndaǵy baqylaý departamenti jospardan tys tekserý júrgizip, mektep dırektorynyń zańǵa qaıshy áreketterin áshkerelegen», deıdi sol mekteptiń bastaýysh synyp muǵalimi Sáýle Bapınova.
Bilim berý salasyndaǵy sapany qamtamasyz etý departamenti basshysynyń orynbasary Jumabek Qambetovtyń aıtýynsha, barlyq fakti rastalǵan.
«Bul kisi tamyz aıynda jumysqa ornalasqan. Sol kezde mektepte jóndeý jumystary júrip jatqan. Muǵalimder mekteptiń aýlasyn tazalaý jumystaryna tartylǵan. Tekserý qorytyndysy boıynsha mektep dırektoryna qatysty 6 ákimshilik is qozǵalǵan. Osy kezde shaǵym jazǵan Ásem Nurǵalıeva aýrýhanaǵa túsip, bir apta es-túzsiz jatyp, kóz jumǵan», dedi Jumabek Qambetov.
Al mektep dırektory Natalıa Karpova dárigerlerdiń ólim týraly anyqtama qorytyndysyna súıenip, ózin kináli dep sanamaıdy.
«Ol mınıngıtten qaıtys boldy. Bul juqpaly aýrý. Al mekteptegi psıhologııalyq ahýaldy aýyr dep eseptemeımin. Eshkimge qysym kórsetilgen joq», deıdi mektep dırektory Natalıa Karpova.
Marqumnyń týystary dárigerdiń qorytyndysymen kelispeı otyr.
«Dene qyzýy kóterilip, ORVI bolǵanda mıdyń isinýi bolady dedi. Dárigerdiń bizge alǵash aıtqany osyndaı dıagnoz boldy. Al endi menıngıt bolǵan jaǵdaıda, nege dárigerler ana mektepti jappaıdy. Menıngıttiń ózi de juqpaly aýrý ǵoı», dedi marqumnyń naǵashy apasy.
Osy jaǵdaıdan keıin О́skemen qalasynyń bilim basqarmasy mektep dırektoryn qyzmetinen bosatý týraly sheshim qabyldaǵan.
