«Qazaqstan áskerinde azamattyq boryshyn ótep júrgen sarbazdardyń qandaı tamaq iship júrgenin de kórdik, áskerdegi tamaqtar dál osyndaı dep oılamadyq. Sondaı-aq sarbazdardyń sózinshe olarǵa keıbir azyq-túlik jetpeıtin kórinedi», delingen jazbada.
Vıdeony kórgen jeli qoldanýshylary ártúrli pikir jazyp, tańdanystaryn jasyrmady.
«Qazaqstandyq sarbazdardyń jaǵdaıy túrmedegilerden de jaman ǵoı», «Áskerine qarap, eldi tany», «Eń aldymen elimizdi, jerimizdi qorǵaıtyn sarbazdarymyz toq bolý kerek», «Osydan soń jastarǵa «Nege patrıot emessiń?» dep suraýdyń ózi artyq», dep jazdy jeli qoldanýshylary.
Qorǵanys Mınıstrligi ókilderiniń málimetinshe, bul oqıǵa 2019 jyly Lýgovoıdaǵy áskerı garnızonda bolǵan jaǵdaı eken.
«Atalǵan jazba 2019 jyly Lýgovoı garnızonyna qaraıtyn áskerı bólimderdiń birinde túsirilgen. Qazaqstan Respýblıkasy qarýly kúshterinde áskerı qyzmetkerlerdi tamaqtandyrý konkýrstyq aýtsorsıng arqyly júzege asyrylady, ıaǵnı qandaı uıym jeńip alady, sol uıym áskerılerdi tamaqtandyrýdy tolyq moınyna alady. Bólimderdiń basshylyǵy tolyqtyǵy men onyń sapasyn jaqsartýdy baqylaýda ustaıdy. О́kinishke qaraı, keıde sapasyz qyzmet kórsetý oryn alyp jatady. Árbir jaǵdaı talqylanyp, tıisti sharalar qoldanylady», dedi Qorǵanys mınıstrliginiń aqparat jáne kommýnıkasııalar departamentiniń ókili, maıor Ǵanı Núsipov.
Núsipovtyń sózinshe, atalǵan derek boıynsha 2019 jyly tıisti shara qoldanylyp, Lýgovoı garnızonynda tamaqtaný sapasyna qatysty máseleler sheshilgen.
