Qoǵamdyq keńester qyzmeti kúsheıtiledi

Jýrnalıstermen júzdesýge Aqparat jáne qoǵamdyq damý vıse-mınıstri Bolat Tlepov, Parlament Májilisiniń depýtaty Vera Kım jáne «Azamattyq bastamalardy qoldaý ortalyǵy» basqarmasynyń tóraıymy Lıma Dıas keldi. Spıkerler memleket pen úkimettik emes sektor ara­syn­daǵy dıalogty jetildirý shara­­lary, volonterlik jáne qaıy­rym­dylyq qyzmetti damytý, mem­lekettik áleýmettik tapsyrysty qalyptastyrý jáne granttyq qarjylandyrý máse­leleri boıynsha zańnamaǵa ázir­lenetin túzetýler týraly baıan­dady. Bolat Tlepov óz sózinde mınıstrlik tarapynan memleket pen úkimettik emes uıymdardyń ózara is-qımylyn damytý boıyn­sha júr­gizilip jatqan jumysy tý­ra­ly egjeı-tegjeıli aıtyp berdi.

Onyń aıtýynsha, Táýelsizdik­tiń 30 jyly ishinde úkimettik emes uıymdar sany 100-den 22 myńǵa deıin artty jáne olar áleýmettik mańyzy zor máselelerdi sheshýde dál qazir-aq memleketke senimdi serik­tes bolýǵa daıar. Ortalyq Azııa­daǵy mundaı uıymdar eń kóp tir­kelgen el – Qazaqstan. Sondaı-aq B.Tlepov 2021 jyldyń basy­nan Qoǵamdyq keńester týraly qol­danystaǵy zańnamaǵa túzetý­ler kúshine engenin eske saldy.

– Osy jyldan bastap elimiz­de jumys istep jatqan 237 jáne oǵan qosymsha qurylatyn 13 Qo­­ǵam­­­dyq keńestiń ókilettiligin edáýir arttyratyn zańnamalyq óz­geris­­­ter kúshine endi. Atap aıt­saq endigi jerde qoǵamdyq keńe­s­ter­diń 70%-dan kem emes quramy, baı­­qaý arqyly saılana­tyn, úki­met­­tik emes uıym ókilderinen tura­­tyn bola­dy, – dedi vıse-mınıstr.

Jańa ózgeristerge sáıkes, qo­ǵam­dyq keńesterdiń sapalyq jáne sandyq quramyn qalyptas­ty­rý, qoǵamdyq keńesterdiń óki­let­tikterin, quqyqtary men min­det­terin keńeıtý, sondaı-aq qoǵamdyq baqylaý nysandaryn reglamentteý jónindegi sharalar kózdeledi. Osylaısha, vıse-mı­nıstr zańdy iske asyrý úshin mınıstrlik «Qoǵamdyq ke­­ńes týraly» úlgilik erejeni jáne qo­ǵamdyq baqylaýdy uıym­das­tyrý jáne júrgizý qaǵıda­laryn ázirlep, bekitkenin aıtty.

Eske sala ketsek, qoǵamdyq k­eńes­­ter salasyndaǵy negizgi ja­ńa­­­lyqtardyń biri kvazımem­le­ket­­tik sektor sýbektilerinde qoǵam­­dyq keńester qurý bolyp ta­byla­dy. Qazirgi ýaqytta mınıstr­lik kva­zı­memleket­tik sektordyń 13 uıy­mynda qoǵam­dyq keńester qurý bo­ıynsha ádistemelik jumys júr­­gizýde. B.Tlepovtiń aıtýyn­sha, bul olar­dyń qyzmetiniń qo­ǵam­­ǵa ashyq­tyǵy men aıqyn­dy­ǵyn qamta­masyz etýge múmkin­dik be­­re­­di. Memleket basshysyna jyl sa­­ıyn­ǵy negizde qabyl­dan­ǵan tú­ze­tý­ler­di eskere otyryp, qoǵam­­dyq ke­ńes­terdiń qyzmeti týraly Ult­­tyq baıandama engiziletin bolady.

Sonymen qatar brıfıng barysynda spıkerler Memleket basshysy bastamashylyq etken Vo­lonter jyly aıasynda jáne basqa da júıeli sharalar­dyń arqasyn­da elimizdiń bar­lyq óńirinde vo­lonterlik uıymdar­dyń da, vo­lonterlerdiń de ósý qar­qyny baı­qalatynyn atap ótti. Mysaly, vo­lonterlik uıym­dar­dyń sany 3 ese­ge, al turaqty volonterler 4 esege ósti. Búginde Qazaqstanda 600 vo­lon­terlik uıym jumys isteıdi, olarǵa 200 myń belsendi azamat tar­tylǵan.

Brıfıng barysynda mınıstr­liktiń qoǵam ókilderimen birlesip volonterlik jáne qaıyrymdy­lyq qyzmetti odan ári damytý úshin qoldanystaǵy zańnama­ǵa birqatar túzetýler ázirlegeni atap ótildi.