Qala turǵyndary 1 mamyr kúngi qala kóshelerindegi jaǵdaıdy áleýmettik jelige jarııalap jatyr. Tańǵy saǵat 6:00-de Ál-Farabı men Nazarbaev dańǵylynyń qıylysyndaǵy joldyń týnnel bóligi sý astynda qaldy.
Qala ákimdiginiń málimetinshe, kópir astynda elektr qýatynyń bolmaýyna baılanysty sorǵy sónip, kóp mólsherde sý jınalǵan.
«Qazirgi ýaqytta bul jerde qalalyq kommýnaldyq qyzmeti «Almaty tazalyq», «Almaty sý», «109 qutqarý qyzmeti» ókilderi eki arnaıy tehnıka men alty motor sorǵysy jumys istep jatyr. Sorǵy stansııasy da iske qosyldy», dedi qalalyq bılik ókilderi.
Sondaı-aq, qala turǵyndary qalanyń ońtústik bóligindegi taýly aımaqta túsirilgen vıdeony jarııalady. Kýágerlerdiń aıtýynsha, nóser jańbyrdyń saldarynan bul aýdandarda kóshkin qaýpi júrýi múmkin.
