«Turǵyndarǵa qalada qolaıly ómir súrý úshin jaǵdaı jasaýdaǵy basymdyqtardyń biri - joldardy salý jáne jóndeý, qoǵamdyq kólikke arnalǵan Bus Lane jelisin keńeıtý, velojol qurý.
Elordadaǵy klımattyq jaǵdaıǵa baılanysty abattandyrý men jol jumystaryn júrgizý maýsymy qysqa. Jylytý maýsymy 7 aıǵa deıin sozylady. Degenmen qolaıly jaǵdaılar týyndaǵannan keıin qalada joldardy jóndeý jáne aýdandardy abattandyrý boıynsha aýqymdy jumystar júrgizilýde. Bıyl 100-den astam kósheni salyp, jóndeımiz.
О́tken jyldaǵydaı, qalanyń eski bóligi men eldi mekenderge basa nazar aýdaramyz. Búgin birqatar kóshelerdegi jol jumystarynyń barysymen tanystym. Mysaly, Iý.Malahov kóshesinde (R.Dúısenbaev kóshesinen Sýsamyr kóshesine deıin), Kosmonavtov kóshesinde (Qabanbaı batyr dańǵylynan Araı kóshesine deıin), M.Tólebaev kóshesinde (B.Momyshuly dańǵylynan R.Qoshqarbaev dańǵylyna deıin), M.Gorkıı kóshesinde (J.Jabaev kóshesinen T.Musabaev kóshesine deıin) jáne t. b. aǵymdaǵy jóndeý jumystary júrgizilip jatyr. Sonymen qatar taǵy 37 kóshede aǵymdaǵy jóndeý jumystary júrgizildi. Sırk ǵımaratynyń aınalasynda joldyń ortasha jóndeýi aıaqtaldy. Ol boıynsha birneshe ret ótinishter kelip tústi. Sonymen qatar Túrkistan kóshesiniń boıyndaǵy (Uly dala dańǵylynan Kereı, Jánibek handar kóshesine deıin) bólý jolaǵyn qaıta jóndeý jumystaryn júrgizemiz. Bul joldy úsh jolaqtan alty jolaqqa deıin, ıaǵnı eki ese keńeıtýge múmkindik beredi. Jazda Bus Lane jolaǵyn iske qosamyz. Sondaı-aq sol ýchaskede saıabaq paıda bolady. О́tken jyly, mysaly, bólý jolaǵy Máńgilik El dańǵyly boıynsha bólshekteldi. Bul mashınalar aǵynyn azaıtýǵa múmkindik berdi.
Sapasyz jóndelgen jáne salynǵan joldardy qabyldamaımyz. Merdiger óz esebinen qalpyna keltiredi, al jumysyna nemquraıly qaraıtyn kompanııalarmen kelisimsharttardy toqtatamyz. О́tken jyly 173-ten astam kósheni, sonyń ishinde qalanyń eldi mekenderindegi kóshelerdi jóndedik. «Jumyspen qamtýdyń jol kartasy» baǵdarlamasy boıynsha jóndeý jumystaryn júrgizý salasynda 4 myńnan astam jumysshy orny quryldy», dep jazdy qala ákimi Altaı Kólginov.
