«Otbasylyq densaýlyq ortalyǵy» bólimshesiniń meńgerýshisi Juldyz Saparbaevanyń aıtýynsha, atalǵan medısınalyq keshen, mobıldi brıgadalar, sondaı-aq qalalyq emhana men oblys ortalyǵynyń iri saýda núktelerindegi kabınetter qala turǵyndary úshin 1-3 mamyr aralyǵynda saǵat 9:00-den 17:00-ge deıin túski úzilissiz qyzmet kórsetedi. Osyǵan deıin osyndaı jyljymaly keshenniń is-sharalardyń arqasynda bir jumys kúni ishinde 1300-den astam adam ekpe alǵan. «Vaksınasııa kezinde bizdiń mamandar men medısına qyzmetkerleri pasıentterge keńes beredi, olar qandaı janama áserlerge tap bolýy múmkin ekenin túsindiredi. Bizde vaksınanyń birinshi komponentin alǵan adamdar 21 kúnnen keıin qalalyq emhanaǵa nemese otbasylyq densaýlyq ortalyǵyna ekinshi komponentke júgine alady», dedi Juldyz Saparbaeva.
