Aýylǵa jaqyn ornalasqan órt sóndirý bólimshesi 30 shaqyrym qashyqtyqta, al aýdan ortalyǵyna deıin 91 shaqyrym bolǵan. Sondyqtan alǵashqy órt sóndirýshiler tek jarty saǵattan keıin ǵana jetken. О́rt sóndirýge úsh órt sóndirý bólimshesiniń mamandary jáne jergilikti atqarýshy organnan – 50 adam jáne 15 tehnıka jumyldyryldy.
Sol kúni kúshi sekýndyna 28 metrge deıin jetken daýyl olardyń jumysyn qıyndata tústi. Saldarynan 3 turǵyn úı, 3 bos turǵan úı jáne aýmaǵy 501 sharshy metr bolatyn sharýashylyq nysany janyp ketti. О́rt tek saǵat 20:25 mınýt ketkende tolyq sóndirildi.
Qaza tapqandar joq. Aldyn ala boljam boıynsha, otty abaısyz qoldaný sebep, belgisiz bireýler qýraǵan shópti órtegen. SQO ákimi baspasóz qyzmetiniń málimetinshe, Qyzyljar aýdany Jelıakovo eldi mekeninde 51 turǵyn úı bar, 128 adam turady. Úıleri janyp ketkender týǵan-týystaryn panalady. Qazir aýylda Qyzyljar aýdany ákimdigi men máslıhatynyń ókilderi jumys istep jatyr.
