1951 jyly Jambyl oblysynyń Baızaq aýdanynda týyp-ósken Jaqsylyq aǵaymyz ýaqyt oza Qazaqstannyń betkeustar balýanyna aınalyp, halyqaralyq arenada tolaǵaı tabystarǵa qol jetkizdi. Atap aıtsaq, asa jeńil salmaqta KSRO birinshiligin eki márte utyp (1975, 1980), eki retten kúmis (1978, 1979) jáne qola (1973, 1977) medaldardy ıelendi. KSRO halyqtary Spartakıadasynyń bas júldesin (1975) oljalady. Eýropa chempıonaty (1980) men álem kýbogynda (1982) ekinshi oryndy enshiledi. Máskeý Olımpıadasynyń jeńimpazy (1980) jáne álem chempıony (1981) atandy.
Úshkempirovtiń el sportyna sińirgen eńbegi elenip, ol kóptegen memlekettik nagradalarmen marapattaldy. 2017 jyly Qazaqstan Respýblıkasynyń Prezıdenti Nursultan Nazarbaevtyń qolynan «Qazaqstannyń Eńbek Eri» ataǵyn aldy. Aıtýly azamat byltyrǵy jyldyń 2-tamyzynda baqılyq boldy.
Bıyl Jaqsylyq Úshkempirovti eske túsirýge arnalǵan týrnırde Grýzııa, Reseı, О́zbekstan, Qyrǵyzstan, Tájikstan jáne Qazaqstannyń birqatar aımaǵynan kelgen apaıtóster kúsh synasady.
Karateden Portýgalııanyń bas shahary – Lıssabonda ótken Premer-lıga dodasy óz máresine jetti.
