Qyrǵyz Respýblıkasynyń Prezıdenti Sadyr Japarov buıryqqa qol qoıdy, oǵan sáıkes Ibragımov Almaz Turdymbetuly Qyrǵyz Respýblıkasy Prezıdentiniń Qoǵamdyq bastamalar jónindegi keńesshisi bolyp taǵaıyndaldy, dep habarlady Qyrǵyz Respýblıkasy Prezıdentiniń baspasóz qyzmeti.
Almaz Ibragımov - Qyrǵyz KSR Ystyqkól oblysynyń týmasy, kóptegen jyldar boıy ol Qazaqstannyń iri óndiristik kásiporyndarynyń top-menedjeri bolyp jumys istedi, negizinen ınnovasııalyq jobalardy júzege asyrdy.
Qazaqstan ekonomıkasyn damytýǵa qosqan zor úlesi úshin Almaz Ibragımov «Qurmet» jáne «Otan» ordenderimen marapattaldy, sonymen birge I jáne III dárejeli «Barys» ordeniniń jáne «Eńbek dańqy» úsh dárejeli belgisiniń ıegeri. Qazaqstan mıneraldy resýrstar akademııasynyń qurmetti akademıgi jáne S.Toraıǵyrov atyndaǵy Pavlodar memlekettik ýnıversıtetiniń qurmetti professory ataǵyna ıe.
Almaz Ibragımov «Qazaqstan alıýmınııi» AQ-ǵa kelgenge deıin Qyrǵyzstandaǵy «Birinshi Maı» kolhozynda bas ınjener bolyp jumys istedi.
1995-2001 jyldary «Pavlodar alıýmınıı zaýyty» AQ birinshi vıse-prezıdenti, bas dırektory qyzmetterin atqardy;
2001-2015 jyldary - «Qazaqstan alıýmınııi» AQ prezıdenti;
06.2005-2015 jyldary - Pavlodar qalasyndaǵy «Qazaqstan elektrolız zaýyty» AQ prezıdenti.
