Aımaqtar • 04 Mamyr, 2021

​​Ile-Alataý ulttyq parki janyndaǵy Qoǵamdyq keńestiń otyrysy ótti

11 ret kórsetildi

Almatyda Ile-Alataý memlekettik ulttyq tabıǵı parki Qoǵamdyq keńesiniń kezekti otyrysynda park aýmaǵynda ekotýrızmdi damytý máseleleri talqylanyp, balalarǵa arnalǵan taý shańǵysy sportyn damytý bazasyn daıyndaý týraly usynys aıtyldy. Bul týraly Ekologııa mınıstrliginiń baspasóz qyzmeti habarlady.

Eske salsaq, 2021 jyly aqpan aıynda Ile-Alataý ulttyq parkinde ekologııalyq týrızm ınfraqurylymyn damytýdyń Bas josparyn qaraý boıynsha qoǵamdyq tyńdaý ótken. Qoǵamdyq tyńdaý hattamasy Ile-Alataý ulttyq parki men Almaty qalasy jáne Almaty oblysy týrızm basqarmalarynyń saıttarynda jarııalandy. Ulttyq parkterde týrıstik jáne rekreasııalyq qyzmetti júzege asyrý Erejesine sáıkes tenderlik jáne konkýrstyq qujattar jobasy da ulttyq parktiń ınternet-resýrsyna salyndy.

«Qazirgi ýaqytta Ulttyq park ekologııalyq týrızm qyzmetine jerlerdi uzaqmerzimdi paıdalanýǵa beriletin ýchaskeler sany 9-dan 8-ge, ıaǵnı 171 gektarǵa, qysqarmerzimdi paıdalanýǵa usynylatyn jerler 26-dan 11-ge, 7,9 gektarǵa azaıdy. Uzaq merzimdi jobalarǵa qoıylatyn negizgi talap - keshendi qurylys júrgizbeı, qaıta alynatyn qadalar qaǵý nemese geoburandalar tehnologııasyn qoldaný jáne jerdiń qunarly topyraǵyna zııan keltirmeý. Sonymen qatar qaldyqtardy basqarý, tazalaý qurylǵylaryn qoldaný múmkindikterin qarastyrý kerek»,- dedi Ile-Alataý MUTP dırektory Damır Malgeldıev.

Atap óteıik, qoǵam ókilderiniń pikirin eskere kele ulttyq park jerlerin uzaqmerzimdi paıdalanýǵa berý 49 jyldan 25 jylǵa, qysqamerzimdi paıdalanýǵa berý 5 jyldan 1 jylǵa qysqardy. Qorshaǵan ortaǵa zalal keltirmeý talaptary saqtalmasa, Ulttyq park kelisimshartty birjaqty negizde úze alady.

Jıynda Almaty qalasy týrızm basqarmasynyń jetekshisi Sabına Amangeldi «SSKA» taý shańǵy bazasyn rekonstrýksııalaý jobasyn tanystyrdy. Keńes músheleri atalǵan nysan ásirese, balalarǵa yńǵaıly belsendi demalys aımaǵy retinde damýy tıis ekendigin atap ótti. Aldaǵy ýaqytta atalǵan jerde balalar taý shańǵysy bazasyn jasaý máselesi men basqa da jobalar taǵy da Keńes talqysyna salynady

Jıyn qorytyndysy boıynsha keńes músheleri ekotýrızm jobasyn júzege asyrý josparlanǵan ýchaskelerde kóshpeli jınalys uıymdastyrý týraly sheshimge keldi.

Atap óteıik, erekshe qorǵalatyn tabıǵı aýmaqtarda ekologııalyq týrızmdi damytý azamattardyń boıynda tabıǵatqa janashyrlyqty qalyptastyrýǵa septigin tıgizetin ekologııalyq aǵartý jumysyn júrgizýge jáne jergilikti halyqty qyzmet kórsetý salasynda jumyspen qamtýǵa múmkindik beredi.

Tender men konkýrsqa qatysty aqparat , qabyldanǵan sheshimder jaıynda aqparat Alataý ulttyq parkiniń www.ile-alatau.kz saıtynda jarııalanady.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar