Áńgime barysynda saıası, saýda-ekonomıkalyq jáne mádenı-gýmanıtarlyq salalardaǵy ekijaqty jáne kópjaqty yntymaqtastyq máseleleri talqylandy. Taraptar qarym-qatynastar barlyq baǵyttar boıynsha qarqyndy damyp kele jatqanyn, saýda-ekonomıkalyq jáne ınvestısııalyq ózara is-qımyldyń, sondaı-aq EAEO sheńberinde eleýli áleýeti men ósý perspektıvalary bar ekenin atap ótti. Osy áleýetti iske asyrýdyń mańyzdy tetigi saýda-ekonomıkalyq yntymaqtastyq jónindegi birlesken úkimetaralyq komıssııa bolyp tabylady. Onyń kezekti otyrysy aǵymdaǵy jyldyń mamyr aıynda Nur-Sultan qalasynda josparlanyp otyr. Bıznes-baılanystardy jandandyrý turǵysynda atalǵan komıssııa sheńberinde bıznes-forým ótkizý qajettigi aıtyldy.
Sondaı-aq taraptar joǵary tehnologııalar, sıfrlandyrý, aýyl sharýashylyǵy jáne týrızm salalaryndaǵy ózara tıimdi yntymaqtastyqty damytý máselelerin qarastyrdy. Elshi suhbattasýshysyn Qazaqstan táýelsizdiktiń 30 jyly ishinde keshendi damýda qol jetkizgen jetistiktermen, Prezıdent Qasym-Jomart Toqaevtyń bastamasymen ekonomıkalyq jańǵyrtý men saıası reformalardyń júzege asyrylýynyń barysymen, memleketimizdiń negizgi halyqaralyq bastamalarymen tanystyrdy.
