Nurǵazy Qystaýbaev – jastyǵyn Allanyń kálámin tanyp, dinge qyzmet etýge arnaǵan turǵylasymyzdyń biri. Ol búginde aýdandyq meshitte qyzmet etip, jamaǵatqa Quran úıretedi. Jumyrtqadaǵy jazý jaıly:
– Allanyń bar ekenine dálel izdeýdiń qajeti joq. Túsingen, bilgen adam aınalanyń bárinen, tipti ózinen de Allanyń bar ekenine anyq dálel tabady.
Biz baılyq izdeý, mansap qýý, ǵaıbat aıtý úshin keldik pe jer betine? Joq! Alla taǵala Quranda Zárııat súresiniń 56-aıatynda «Men adamdar men jyndardy ózime qulshylyq etý úshin jarattym!» deıdi ǵoı. Ne úshin jaratylǵanymyzdy umyta bastadyq. Jumyrtqadan jazý kórgende tańǵalǵan joqpyn. Buny Uly Jaratýshynyń ózin eske alýdy, oılaýdy, ózinen qorqýdy umytqan qaýymǵa jibergen eskertýi dep oılaımyn, – deıdi Nurǵazy ustaz.
Jumyrtqanyń sýretin biz de kórdik. Tuqymnyń syrtynan الله degen sóz anyq oqylady. «Sheberdi sheber degenshe, Allany sheber deseıshi, Qar jaýdyryp, qys qylǵan, Jumyrtqany qus qylǵan», degendeı, jumyrtqaǵa beder salsa da, odan qus shyǵarsa da Rabbymyzdyń óz erki. Desek te Ramazan aıynda osyndaı anyq belgilerdiń elge kórinýin bir jaǵynan jaqsylyqtyń, bir jaǵynan ustaz aıtqandaı eskertýdiń nyshany dep qabyldadyq.
Mundaı jaǵdaı Syrymda birinshi ret bolyp turǵan joq. Osydan eki jyl buryn Jambyl aýylynda bir búıirinde «Alla», bir búıirinde «Muhammed» degen jazýy bar qozy týǵan bolatyn.
Baýyrjan ShIRMEDINULY
Syrym aýdany
