Bul týraly qoǵamdyq kommýnıkasııa ortalyǵynda ótken brıfıngte Aqtaý qalasynyń ákimi Nurdáýlet Qılybaı málim etti.
Shahar basshysynyń aıtýynsha, joba qurylysy demeýshilerdiń kómegimen iske asady. Alǵashqy jumystar 10 mamyr kúni bastalady. Sondaı-aq el Táýelsizdiginiń mereıli merekesin toılaý maqsatynda qalada birneshe joba iske aspaq.
«Jańa 40-shy shaǵyn aýdannan saıabaqtyń irge tasy qalanyp, qurylys jumystary bastalyp ketti. Demeýshiler qarajaty esebinen Aqtaý qalasynyń «Shyǵys-3» shaǵyn aýdany, № 8 jáne № 9 ónerkásiptik aımaqtyń qıylysyna «Shotan batyr» eskertkishin ornatý jáne «Aqtaý-Áýejaı» tas jolynyń boıyna kireberis kesheniniń qurylysyn salý jobalary ázirlendi. Al, 20-shy shaǵyn aýdanyndaǵy aınalmaly jolǵa demeýshilik esebinen Táýelsizdiktiń 30 jyldyǵyna oraı Aqtaý qalasyna syı retinde «Saltanatty arkanyń» qurylysy bastaldy», dedi Nurdáýlet Qılybaı.
