Ol MEAJ qurý jáne engizý jumystary «Sıfrlyq Qazaqstan» memlekettik baǵdarlamasy aıasynda júrgizilip jatqanyn eske saldy. Qazirgi tańda esep berý quraldarymen jabyqtaýdyń bas shemasy bekitildi, júıege pılottyq rejımde 4 munaı óndirýshi uıym, 4 munaı tasymaldaýshy uıym jáne 3 munaı óńdeý zaýyty qosylǵan. Jyl sońyna deıin Munaı men gaz kondensatyn jalpy óndirý men óńdeýdiń 60%-dan astamyn júzege asyratyn uıymdardy MEAJ-ge qosý josparlanýda.
Sonymen qatar Energetıka mınıstrliginde 2014 jyldan bastap jer qoınaýyn paıdalanýshylar úshin esep berý quraly bolyp tabylatyn jer qoınaýyn paıdalanýdy basqarýdyń biryńǵaı memlekettik júıesi (BMBJ) jumys isteýin jalǵastyrýda. Budan basqa, BMBJ-de lısenzııalyq-kelisimsharttyq sharttardyń oryndalýyna monıtorıng júrgiziledi jáne munaı óndirý, tasymaldaý jáne óńdeý boıynsha jedel aqparat jınalady.
Búgingi tańda BMBJ-de 147 jer qoınaýyn paıdalanýshy tirkelgen. BMBJ-nyń arqasynda ıntegrasııanyń 10 túri iske asyryldy, jer qoınaýyn paıdalanýǵa ruqsat (e-license), SDU, ERSOP; jergilikti atqarýshy organdardan derekter alý úshin jıyntyq ótinimdi resimdeý múmkindigi; ony biriktirý jáne TMD jetkizý josparyn qalyptastyrý; esepterdi elektrondy túrde tapsyrý nysandary avtomattandyrylǵan.
Janat Jahmetova mınıstrlik úsh memlekettik qyzmetti avtomattandyrǵanyn eske saldy: jer qoınaýyn paıdalaný quqyǵynyń jáne jer qoınaýyn paıdalaný quqyǵymen baılanysty obektilerdiń aýysýy; kómirsýtekter jáne ýran óndirý boıynsha jer qoınaýyn paıdalanýǵa kelisimsharttar jáne kómirsýtekter men ýran óndirý boıynsha jer qoınaýyn paıdalanýǵa arnalǵan kelisimsharttarǵa qosymsha kelisimder jasasý.
Sonymen qatar, munaı jáne munaı ónimderin jetkizý jospary men kestesin ázirleýdi avtomattandyrý, lısenzııalyq-kelisimsharttyq sharttar mindettemeleriniń oryndalýyn odan ári monıtorıngileý úshin qoldanystaǵy kelisimsharttar men olarǵa tolyqtyrýlardy (2018 jylǵa deıin jasalǵan) sıfrlandyrý jáne eseptilikti tolyǵymen elektrondyq formatqa kóshirý josparlanýda.
Energetıka mınıstrligi barlyǵy 23 memlekettik qyzmetti kórsetedi, onyń ishinde 22-si elektrondy formatta.
2021 jyldyń I toqsanynda 737 memlekettik qyzmet kórsetildi, onyń ishinde 691-elektrondyq formatta, 46-qaǵaz júzinde.
