Jobany 12 mamyrdan bastap tolyqqandy iske qosý josparlanyp otyr. Mobıldi qosymshany QR Densaýlyq saqtaý mınıstrliginiń jalpy bazasymen ıntegrasııalaý arqyly jolaýshynyń qazirgi ýaqytta vırýstyń tasymaldaýshysy ma, joq pa degen mártebesi aıqyndalady. Iаǵnı jolaýshylar men áýe kompanııalary men áýejaı qyzmetkerleriniń qaýipsizdigi úshin qabyldanyp jatqan sanıtarııalyq sharalarǵa (maska, termometrııa, jeldetý jáne t.b.) qosymsha baqylaý qamtamasyz etiledi. Termometrııa (dene qyzýyn qashyqtan ólsheý) Covid-19 belgileriniń birin anyqtaýǵa kómektesedi (dene temperatýrasynyń joǵarylaýy), al Ashyq qosymshasy jolaýshylar men qyzmetkerlerge qosymsha qaýipsizdik kepili bolmaq. Osyǵan baılanysty, barlyq jolaýshylardan áýejaıǵa kelgenge deıin aldyn ala qosymshany júktep alyp, óz mártebesin tekserý suralady.
Termınal ǵımaratyna sary jáne qyzyl mártebeli jolaýshylarǵa kirýge ruqsat berilmeıdi. Reıske jiberilmegen jaǵdaıda, qarajatty qaıtarý boıynsha suraqtardy áýe kompanııalary qarastyrady.
Esterińizge sala keteıik, 17 qańtardan bastap Qazaqstan Respýblıkasynyń sıfrlyq damý, ınnovasııa jáne aeroǵarysh ónerkásibi mınıstrligi jáne QR Densaýlyq saqtaý mınıstrligi tapsyrys bergen Ashyq mobıldi qosymshasy shaǵyn jáne orta bıznestiń jeke nysandaryna qoljetimdilikti qamtamasyz etti.
