Sporttyq sharany Almaty qalasy ákimdigi, ál-Farabı atyndaǵy QazUÝ jáne qalalyq Voleıbol federasııasynyń qoldaýymen «Býrevestnık-Almaty» sport klýby uıymdastyryp otyr.
Alańǵa О́zbekstan, Qyrǵyzstan jáne el aımaqtarynan kelgen 60 jasqa deıingi jas sanattardaǵy áýesqoı erler, áıelder jáne aralas 60-tan astam komanda jınaldy.
Saltanatty rásimdi ál-Farabı atyndaǵy QazUÝ Basqarma basshysy-rektory Janseıit Túımebaev ashyp, aqyndy mereıtoıymen quttyqtady.
Oljas Omarulynyń asqaq rýhty shyǵarmalarymen memleket jáne qoǵam qaıratkeri retinde atqarǵan eren eńbegine toqtalyp, aqyn tulǵasy barsha qazaqstandyqtar úshin jarqyn úlgi ekenin atap ótti.
Kelesi kezekte Ardagerler keńesiniń generaly Amangeldi Qurmanálıev, «Býrevestnık» SK prezıdenti, general-leıtenant Amangeldi Shabdarbaev jáne KSRO men Qazaqstannyń eńbek sińirgen jattyqtyrýshysy, professor Zańǵar Jarkeshevtiń jubaıy – Zýlfııa Jarkeshevaǵa sóz sóılep, jarysqa qatysýshylarǵa sáttilik tiledi.
Oljas Omarulynyń bala kezinen voleıbol, gımnastıka, boks jáne kúresten birinshi razrıadqa ıe ekendigi aıtylyp, voleıbolǵa degen qushtarlyǵyn «Býrevestnık» sport klýbymen baılanystyryldy.
Qurmetti qonaqtar qatarynda Ardagerler keńesiniń generaly Bolatbek Bulǵaqbaev, general-maıor Naǵashybaı Atshabarov, QR Memlekettik qyzmet isteri agenttiginiń Almaty oblysy boıynsha departament basshysy Serikbaı Nurǵısaev, Qazaqstannyń Qyrǵyzstandaǵy elshisi Rápil Joshybaev, general Alık Shpekbaev, «Alqa» halyqaralyq mádenıet qorynyń prezıdenti Alýa Tańjaryqova, sonymen qatar soǵys jáne eńbek ardagerleri, QazUÝ-dyń Aqsaqaldar keńesiniń músheleri boldy.
Oljas Súleımenov óz kezeginde adam balasynyń ǵaryshqa tuńǵysh ushýyn jyrlaǵan «Adamǵa tabyn jer endi» óleńin shabyttana oqyp, barlyq azamattarǵa jyly lebizderi úshin alǵysyn jetkizdi.
Sondaı-aq jıynda Oljas Súleımenov Qazaqstan ulttyq lıgasynyń voleıboldan Chempıon kýbogyn «Býrevestnık» aǵa komandasyna saltanatty túrde tabystady. Al Qazaqstan Joǵary voleıbol lıgasyndaǵy «Býrevestnık» jasóspirimder komandasyna QazUÝ rektory Janseıit Túımebaev Chempıon kýbogyn usyndy.
Qonaqtar QazUÝ-da ashylǵan Elbasy saıabaǵyna kóshetter otyryzyp, Oljas Súleımenovtiń jeke aǵashy paıda boldy.
Aqyn qurmetine uıymdastyrylǵan joba salaýatty ómir saltyn nasıhattaý, buqara arasynda jaǵajaı voleıbolyn damytýǵa baǵyttaldy.
Týrnır Internasıonal Federasııasy (FIVD) bekitken jaǵajaı voleıbolynyń resmı erejeleri boıynsha 7-10 mamyr aralyǵyna josparlanǵan. Jeńimpazdar medaldarmen, dıplomdarmen jáne qarjylaı syılyqtarmen marapattalady. Sonymen qatar alǵashqy oryn alǵan eki komandaǵa QazUÝ rektorynyń jeke qarjylaı syılyǵy taǵaıyndalyp otyr.
Karantın talaptaryna sáıkes, shara kórermensiz ashyq alańda ótip jatyr.
Aıta ketsek, Oljas Súleımenov – QazUÝ-dyń tanymal ári qurmetti túlegi. Ýnıversıtette «Oljas Súleımenov lıngvıstıkalyq ǵylymı-zertteý ortalyǵy» jumys isteıdi. Onda tyń ǵylymı jobalar tabysty júzege asyrylyp otyr.
ALMATY
