Sol bir kezeńde qaraorman qazaqty qaıǵy qushaǵyna qaldyrǵan otty jyldardyń esteligi ardagerlerdiń kókeıinde shejire kúıinde saqtaýly tur. Al, elge oralmaı, maıdan dalasynda sheıit ketken erlerdiń erligi de eshqashan umytylmaıdy.
Búginde Jambyl óńirinde Uly Jeńis kúni merekesine oraı sharalar bastalyp ketti. Jergilikti azamattar da ardagerlerdiń shańyraqtarynda bolyp, olardy aıtýly kúnimen quttyqtaýda. Árıne, ot keshken tulǵalar qandaı qurmetke de laıyqty. Sondaı-aq, Uly Jeńis merekesi qarsańynda Jambyl oblysynyń ákimi Berdibek Saparbaevtyń bastamasymen Uly Otan soǵysyna qatysýshylar men soǵys múgedekterine 1 mıllıon teńgeden birjolǵy kómek berildi. Mundaı kómekti aımaqta turatyn 36 ardager aldy. Sonymen qatar, 3477 tyl eńbekkerine, 298 qaza tapqan jaýyngerdiń ata-analary men jesirlerine 50 myń teńgeden berildi. Jalpy, oblys boıynsha 225,1 mıllıon teńgege birjolǵy kómek kórsetildi.
Jambyl oblysy
