«9 mamyrda jedel-izdestirý sharasy barysynda Temirtaý polısııa basqarmasynyń krımınaldyq polısııa qyzmetkerleri 32 jastaǵy qala turǵynyn ustady. Kúdikti óz kinásin moıyndady. «Armsan» markaly tegis uńǵyly myltyq tárkilendi. Tıisti saraptamalar taǵaıyndaldy», dedi PD baspasóz qyzmeti ókilderi.
Aıta keteıik, buǵan deıin Temirtaýda balalar arasyndaǵy janjal atyspen aıaqtalǵany habarlanǵan bolatyn. 8 mamyrda keshke Temirtaýdaǵy 8-shi shaǵyn aýdan aýlalarynyń birinde eki kámeletke tolmaǵan bala arasynda janjal týyp, olardy ajyratý úshin ákeleri shyqqan. Oqıǵanyń mán-jaıyn anyqtaý barysynda balalardyń biriniń 43 jastaǵy ákesi 32 jastaǵy qarsylasynyń betinen urǵan. Keıin soqqy jegen er adam úıinen myltyq alyp shyǵyp, eki ret aýaǵa oq atyp, qashyp ketken.
Bul derekke qatysty QR QK-nyń 293-baby 3-bóligi «Buzaqylyq» boıynsha qylmystyq is tirkelgen.
