Tótenshe jaǵdaılar mınıstrliginiń resmı ókili Talǵat Ýálıdiń habarlaýynsha, bir aı buryn joǵalǵan súńgýirdiń denesi búgin tabylyp otyr.
«2021 jyldyń 3 sáýirinde Shý aýdanynyń Tasótkel sý qoımasynda 1997 jyly týǵan azamatshany izdestirý kezinde qatty jelden qaıyq aýdarylyp, saldarynan Jambyl oblystyq tótenshe jaǵdaılar departamentiniń jedel-qutqarý jasaǵynyń bas qutqarýshysy Jumaǵalı Jeńisbekuly Ábdirahmanov is-tússiz ketken bolatyn. Izdestirý-qutqarý jumystary 35 kún boıy júrgizildi», deıdi vedomstvonyń resmı ókili.
Búgin saǵat 12.20-da Shý aýdanynyń Tasótkel aýylynan 3 shaqyrym jerde, Tasótkel sý qoımasynda Almaty oblysy tótenshe jaǵdaılar departamentiniń jedel-qutqarý jasaǵy Jumaǵalı Ábdirahmanovtyń denesin tapty.
Vedomstvonyń málimetinshe, izdestirý jumystary bastalǵannan beri barlyǵy 130-dan astam adam, kınologtar, 16 tehnıka, 2 tikushaq, 9 júzý quraly jumyldyrylǵan.
Jumaǵalı Jeńisbekuly Ábdirahmanov azamattyq qorǵanys organdarynda 2001 jyldyń naýryz aıynan beri qyzmet atqaryp kelgen. Úılengen, artynda eki balasy qaldy.
