Aımaqtar • 11 Mamyr, 2021

Nur-Sultanda ońaltý ortalyqtarynyń jelisi keńeıtildi

28 ret kórsetildi

Nur-Sultanda Táýelsizdik saraıynyń bazasynda jańa shyǵarmashylyq ortalyq jumys isteıdi, oǵan eresekter de, balalar da qatysa alady, dep habarlaıdy Egemen.kz.

Jańa demalys ornynda gımnastıka ortalyǵy, zamanaýı jáne sporttyq bı federasııasy, shahmat akademııasy, «Altyn dombyra» shyǵarmashylyq ortalyǵy jáne vokaldyq stýdııa bar. Ortalyq 1 myńǵa jýyq turǵyndy qamtýǵa múmkindik beredi.

Bul shyǵarmashylyq ortalyqtyń basty artyqshylyǵy – erekshe qajettiligi bar balalar zamanaýı jáne sporttyq bılermen tegin aınalysa alady.

«Táýelsizdik saraıynda júrgizilgen jańa jobanyń arqasynda balalar jaqsy jaǵdaıda jattyǵatyn boldy. Biz elordada erekshe qajettilikteri bar balalar bı bıleı alatyn jańa ortalyqtyń paıda bolǵanyna qýanyp otyrmyz. Bul balalardyń densaýlyǵyna áser etip qana qoımaı, olardyń áleýmettenýine járdem etedi. Eń qyzyqty jobalardyń biri – «arbamen bıleý» jobasy. Bul – balalarǵa bı men shyǵarmashylyq arqyly ózderiniń jańa qyryn ashýyna múmkindik beretin ınklıýzıvti joba. Balalar qoǵamnan alshaqtamaı, bir mýzykamen, keremet bir alańda bıleıdi. Balalardy 4 jastan bastap qabyldaımyz», dedi zamanaýı jáne sporttyq bı federasııasynyń prezıdenti Álııa Túsipbekova.

Qazirgi zamanǵy jáne sporttyq bı federasııasynda atap ótkendeı, jumystar uzaq merzimdi perspektıvada júrgiziletin bolady, óıtkeni federasııa erekshe qajettilikteri bar balalardy halyqaralyq chempıonattarǵa, arbamen bıleý boıynsha QR Kýbogyna daıyndaıdy.

Sonymen qatar, ortalyqta kórkem gımnastıkaǵa qyzyǵýshylyq tanytqan qyzdar úshin barlyq jaǵdaı jasalǵan.

«Bizde sporttyq gımnastıkamen 400-den astam sportshy aınalysady. Olarmen toptasyp ta, jeke de jumys isteımiz. Qazir 54 sportshymyz QR quramasyna kiredi. Mektebimizge tek irikteý arqyly kirýge bolady. Irikteýdi jyl saıyn tamyz aıynda ótkizemiz. Bizdiń qyzdar 6 jastan bastap aınalysady. Qazir munda tıisti jaǵdaıdyń bári jasalǵan, zalda 9 kilem alańy bar, ıaǵnı nátıjeler endi tipten jaqsara túsedi. Balalarymyz elimizdiń namysyn qorǵap, týymyzdy halyqaralyq arenalarda joǵary kóteredi», dep atap ótti №1 mamandandyrylǵan balalar men jasóspirimder sport mektebiniń aǵa jattyqtyrýshysy Merýert Balǵymbaeva.

Eresekter «Altyn dombyra» shyǵarmashylyq ortalyǵyna, shahmat akademııasyna jáne bı federasııasyna bara alady.

Elorda ákimdigi Memleket basshysynyń tapsyrmasy boıynsha ońaltý klınıkalarynyń jelilerin keńeıtý boıynsha júıeli jumys júrgizýde. Elordada paralımpıadalyq jattyǵý ortalyǵymen birge erekshe qajettilikteri bar adamdarǵa arnalǵan sport kesheni salynady, al osy jyldyń birinshi jartysynda kórý qabileti buzylǵan balalarǵa arnalǵan mamandandyrylǵan balabaqsha ashylady.

О́tken jyly Nur-Sultanda birqatar ońaltý ortalyǵy ashyldy, ınvataksı sany eki eseden astam ulǵaıdy, sondaı-aq mektepterde erekshe qajettilikteri bar balalarǵa arnalǵan qosymsha túzetý kabınetteri ashyldy.

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar