Jobanyń quny 12 mlrd teńgeni qurady. Ony júzege asyrýdyń arqasynda 110 jańa jumys orny ashyldy. Fabrıkanyń qýattylyǵy – saǵatyna 300 tonna nemese jylyna eki mıllıon tonna baıytylǵan kómir.
«Qaraǵandy oblysy – bul shıkizat óndirýden bastap qaıta óńdeýge deıingi ónerkásiptik klasterler qurylatyn ındýstrııalyq óńir. Búgin biz jańa tehnologııalardy paıdalana otyryp salynǵan baıytý fabrıkasynyń ashylýyna qatysyp otyrmyz. Qaz Carbon kompanııasynyń iri ınvestısııalyq jobalardy iske asyrýda úlken tájirıbesi bar. О́tken jyly osy alańda quıý óndirisin aýqymdy jańǵyrtý júrgizildi», dedi Roman Sklıar.
Kásiporynda «dymqyl baıytý» tehnologııasy qoldanylady. Búkil prosedýra qorshaǵan ortaǵa zııan keltirmesten jabyq sıklde júredi. О́ndiris prosesi tolyǵymen avtomattandyrylǵan. Álemdik tehnologııalyq ázirlemelerdi qoldaný jáne jańa jabdyqtardy ornatý «Indýstrııa 4.0» baǵdarlamasynyń parametrlerine sáıkes keledi.
Jobany iske asyrý óńir ekonomıkasyn ártaraptandyrýǵa, óńdeý ónerkásibindegi eńbek ónimdiligin arttyrýǵa yqpal etedi.
