Atlasty ázirleý men engizý boıynsha ádisnamalyq, ákimshilik jáne uıymdastyrýshylyq qoldaý kórsetken seriktes Saıasat Nurbek óz sózinde memleket tarapynan steıkholderler daıarlaǵan Atlasty qoldaný perspektıvalary týraly áńgimeledi. Ony eńbek naryǵyn boljaýdy jaqsartý, joǵary jáne TjKB baǵdarlamalaryn jańartý, sondaı-aq kásiptik standarttardy jańartý quraly retinde paıdalaný úshin negizgi baǵyttar boıynsha usynymdar berdi.
«Jańa kásipter atlasynyń kómegimen ekonomıkanyń ár salasy boıynsha túrli quzyrettilikterge qajettilikti boljaýǵa bolady. Bul bolashaq strategııalyq damý baǵdarlamalarynyń dáldigine oń áser etedi. Budan basqa, halyqtyń biliktiligin arttyrýǵa degen túsinigi men qyzyǵýshylyǵyna, ózekti daǵdylarǵa nemese suranysqa ıe mamandyqtarǵa oqytýǵa tartylýyna áser etedi», dedi ol.
Búgingi tańda Atlas negizinde bilim berý standarttaryna birqatar jańalyq engizilýde. Mysaly, Hromtaý taý-ken tehnıkalyq joǵary kolledjiniń bazasynda «taý-ken óndirý ónerkásibi men paıdaly qazbalardy óndirýge arnalǵan pılotsyz ushý apparattarynyń operatory» jańa mamandyǵy boıynsha oqytý bastaldy. Osy baǵyttaǵy mamandardy daıarlaýdyń ózektiligin Don taý-ken baıytý kombınatynyń qyzmetkerleri rastaıdy.
Budan basqa, Bilim jáne ǵylym mınıstrliginiń TjKB synyptaýyshyna mynadaı mamandyqtar men biliktilikter qosyldy:
– «Robottehnıka jáne endiri-
letin júıeler (salalar boıynsha)» mamandyǵy jáne «Robottehnıkalyq júıeler men keshenderdi montajdaýshy-retteýshi», «Mobıldi robottehnıka tehnıgi», «О́nerkásiptik robottehnıka tehnıgi» biliktiligi;
– «Nanomaterıaldar negizindegi buıymdar tehnologııasy» mamandyǵy jáne «Nanomaterıaldar negizindegi buıymdar óndirisiniń operatory» biliktiligi;
– «О́ndiristiń addıtıvti tehnologııalary» mamandyǵy jáne «Addıtıvti qondyrǵylardyń operatory» biliktiligi;
– «Qashyqtyqtan basqarylatyn avıasııalyq júıe» mamandyǵy jáne «Syrtqy ushqysh», «Pılotsyz avıasııalyq júıelerdi tehnıkalyq paıdalaný jónindegi tehnık-mehanık» biliktiligi;
– «Ǵımarattardy jobalaý men paıdalanýdyń avtomattandyrylǵan júıeleri» mamandyǵy jáne «BIM-paıdalanýshy», «BIM-tehnık», «Ǵımaratty basqarýdyń zııatkerlik júıelerine qyzmet kórsetý tehnıgi» biliktiligi;
– «Jyljymaıtyn múlikti basqarý» mamandyǵy jáne «Kóp páterli turǵyn úıdi basqarýshy» biliktiligi;
– «Destınasııany basqarý» mamandyǵy jáne «Ekologııalyq týrızm menedjeri», «Týrıstik qyzmetterdi jyljytý jónindegi menedjer», «Týrıstik aqparattyq ortalyqtyń menedjeri» biliktilikteri.
Atlasty ázirleý el Prezıdentiniń «Igilik barshaǵa! Sabaqtastyq. Ádildik. О́rleý» saılaýaldy baǵdarlamasyn iske asyrý jónindegi is-qımyl jospary negizinde júzege asyryldy.
Atlasta ekonomıkanyń basym 9 salasy: taý-ken metallýrgııa kesheni, munaı-gaz salasy, aýyl sharýashylyǵy, kólik jáne logıstıka, mashına jasaý, AKT, energetıka, týrızm jáne qurylys boıynsha eńbek naryǵyn synı túrde ózgertetin negizgi tehnologııalyq trendterge taldaý jasalǵan. Qujatta kásipterdegi taıaýdaǵy 5-10 jylǵa arnalǵan ózgerister boljanyp, sondaı-aq 239 jańa, 95 transformasııalanatyn jáne 129 joıylyp bara jatqan kásip aıqyndaldy.
