Qoǵam • 13 Mamyr, 2021

Halyq únine qulaq asatyn ortalyq

100 ret kórsetildi

Keı jaǵdaıda qala turǵyndarynyń aryz-shaǵymdaryna jergilikti bılik tarapynan tıisti resmı jaýap keshigip jatady. Sol eki ortada jurtshylyq ábigerge túsip, bılik pen buqaranyń ortasynda túsinispeýshilik oryn alatyny belgili.

Mine, osy túıtkildi eskergen Shymkent qalasy ákimdigi shahar turǵyndarynyń turmystyq, áleýmettik máselelerine sala mamandarynyń nazaryn aýdartý maqsatynda «Shymkent qalasynyń Sıtýasııalyq Ikomek109 ortalyǵyn» qurǵan bolatyn. Igilikti bastama Elbasynyń hattamalyq tapsyrysyn oryndaý úshin qala ákimi Murat Áı̆tenovtiń bastamasymen ótken jyldyń maýsym aıynan bastap qolǵa alynǵan. Sodan beri atalǵan mekeme qaladaǵy kúrmeýi sheshilmegen kóp máseleni anyqtap, kórsetiletin qyzmetterdiń jedel ári sapaly sheshilýine yqpal etý jolynda jumys istep keledi.

«Kúnine 3 myń qońyraýǵa deı̆in qabyldaýǵa qaýqarly mekeme qajet bolǵan jaǵdaı̆da 5 myń turǵynnyń suraǵyna da jaýap bere alady. 24/7 formatyndaǵy ortalyq qala turǵyndary men qonaqtarynyń 50 myńnan  asa ótinishin qabyldap úlgerdi. iKomek ortalyǵynyń operatorlary turǵyndardan ótinimderdi qalalyq jáne mobıldi telefondardyń 109 biryńǵaı̆ nómeri, sondaı-aq áleýmettik jelidegi resmı paraqshalary arqyly qabyldap alady. Sıtýasııalyq iKomek biryńǵaı baılanys ortalyǵynyń kózdegeni qala turǵyndarynan kelgen ótinishterdiń 99 paıyzyn qanaǵattandyrý», deıdi ortalyq dırektory Azat Ámirtaı.

Búginde atalǵan ortalyqta 30-ǵa jýyq maman negizgi úsh baǵyt boıynsha jumys isteýde. Jelide qońyraýlar men suranystardy qabyldaý úshin 24 operator saqadaı-saı bolsa, sapany baqylaý jáne atqarýshy organdarmen ózara qarym-qatynas ornatý  boıynsha 6 ınspektor eńbek etedi. Osylaısha ortalyqqa kelip túsken suraqtar
4 aýdan ákimdigi, 22 qalalyq basqarma, taǵy basqa memlekettik mekemeler men servıstik mekemelerge (jalpy 56 atqarýshy mekeme) joldanady.

«Qala turǵyndarynyń turmysyn jaqsartý maqsatynda turǵyn úı-kommýnaldyq sharýashylyq, turǵyn úı qatynastary, densaýlyq saqtaý, bilim berý, halyqty jumyspen qamtý jáne áleýmettik qorǵaý salasy bo­ıynsha 1 myńnan astam qyzmetten turatyn katalog ázirlenip, bekitildi. Suranystyń oryndalýyn baqylaýdy jaqsartý úshin iKomek jumysynyń barlyq nátıjesi basqarý taqtasynda kórsetiledi. Osy taqtada jergilikti atqarýshy organdardyń reıtıngin de kórýge bolady. Bul óz kezeginde qala turǵyndarynyń bergen ótinishteriniń ýaqytyly oryndalýyn qamtamasyz etedi», deıdi ortalyq basshysy.

Turǵyndardyń ótinishterin qabyl­daý úshin arnaıy mobıldi qosymsha da iske qosylypty. Ortalyqqa sońǵy 3 aıda 52 325 aryz-shaǵym kelip tússe, onyń 51 539-y boıynsha naqty sheshim shyqqan. Ortalyqqa kelip túsken aryz-shaǵymdardyń kóbisi qaladaǵy jol ınfraqurylymyna, joldardy jóndeýge baılanysty suraqtar. Osy­ǵan oraı ótken aptadan bastap qala kóshelerinde shuńqyrlardy jamaý, asfalt tóseý, joldy retke keltirý isi qolǵa alyna bastady.

Ortalyq dırektorynyń aıtýynsha, toqsandyq qorytyndy boıynsha 5 qalalyq basqarma jáne aýdan ákimdikteri turǵyndardyń ótinishine sapaly túrde jaýap bergeni úshin qala ákiminiń alǵys hatyna usynylǵan. Al turǵyndardyń shaǵymdaryna nemquraıdy qarap, sapasyz oryndaýyna baılanysty 2 basqarma qala basshysynan sógis alypty.

«Negizinde ortalyqqa kelip túsken aryz-shaǵymdardyń basym kópshiligi birden sheshimin tappaıdy. Sebebi qala turǵyndarynan keletin ótinishter san alýan. Onyń ishinde ınfraqurylymdyq joba, qurylys jumystaryn aldyn ala josparlaýǵa baılanysty keıbir ótinishterdiń oryndalýy ýaqyt ozdyrýǵa týra keledi. Tipti keıbir aryz-shaǵymdar bo­ıynsha jumystar 2022-2023 jyldary atqarylatyny da jasyryn emes. Máselen, ózin Nurgúl Aralbaeva dep tanystyrǵan qala turǵyny sapaly ınternetpen qamtý máselesin aıtyp habarlasty. Abaı aýdanyna qarasty Qursaı shaǵynaýdanynda turatyn turǵyn «Abaı aýdanynyń ákiminiń qabyldaýynda aqpanda boldym. Biz turatyn aımaqta ınternet máselesi naýryz aıyna deıin sheshiledi degen edi. Al qazir sáýir aıy da ótip barady. Eshqandaı ózgeris joq deıdi. Osyǵan oraı, iKomek ortalyǵynyń mamandary aýdan ákiminiń bul oraıda naqty qandaı is atqaryp otyrǵanyn, qala turǵynyna tez arada ol týraly habarlama berýin suraǵan. Abaı aýdany ákimdiginiń kommýnaldyq sharýashylyq bóliminiń basshysy Ońǵar Ábilqaıyrdyń jaýabyna súıensek, Qursaı shaǵynaýdanyn ınternet júıesimen qamtamasyz etý úshin №49 orta mekteptiń aýmaǵynan jer telimi bólinip, bıyl qyrkúıek aıynda shaǵynaýdan turǵyndary sapaly ınternet jelisine qosylý múmkindigin almaq», deıdi Sıtýasııalyq Ikomek109 ortalyǵynyń dırektory.

Sońǵy kezderi shahar turǵyndarynan qoǵamdyq kólikterdegi «Tólem» júıesi boıynsha aryz-shaǵymdar kóbeıgen. Búginde salalyq basqarmaǵa hat joldanyp, turǵyndarmen keri baılanys ornatylǵan. Basqarma jumysyna járdemshi retinde ortalyq operator­lary turǵyndarǵa qoǵamdyq kóliktiń naq­ty ıntervalyn jáne qaı aýdanda turǵandyǵy men qansha ýaqytta aıal­damaǵa jetetindigi týraly aqparatty bere alady.

Ortalyq qyzmetkerleriniń aıtýynsha, kelip túsken aryz-shaǵym­dardy tolyqtaı  sapaly oryndaǵan basqar­malar qatarynda bilim, memlekettik satyp alý, aýyl sharýashylyǵy jáne veterınarııa, jumyspen qamtý jáne áleýmettik qorǵaý, turǵyn úı, dene shynyqtyrý jáne sport, mádenıet, tilderdi damytý jáne arhıvter bas­qar­masynyń jumysy joǵary baǵala­nypty. Bir sózben aıtqanda, jumys ónimdiligin baǵalaýdyń bul ádisi memlekettik mekemeler arasynda ádil básekelestik qalyptastyryp, halyq únine qulaq asýǵa septese tústi.

 

ShYMKENT

 

 

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar