Onyń aıtýynsha, 2020 jyly Memleket basshysynyń tapsyrmasy boıynsha sala qyzmetkerlerin áleýmettik qoldaý sharalary qabyldandy. Buǵan eńbekaqyny kóterý, arnaıy aı saıynǵy aqshalaı tólemder, qosymsha júkteme úshin qosymsha tólemder belgileý, týyndylardyń avtorlaryna qalamaqy tóleý, qyzmetkerlerdiń turǵyn úı jaǵdaılaryn jaqsartý sekildi jumystar kiredi. Sondaı-aq memlekettik áleýmettik tapsyrys aıasynda alǵash ret shyǵarmashylyq odaqtardy qoldaýǵa qarajat bólindi.
«Aıta keteıik, ál-aýqatty jaqsartý, eńbekaqy tóleýdi jetildirý, sala qyzmetkerlerin yntalandyrý, sol arqyly azamattarymyzdyń laıyqty ómir súrýin qamtamasyz etý jumystyń negizgi basymdyǵy. Osy mindetterdiń barlyǵy Memleket basshysynyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna joldaýynda, «Táýelsizdik bárinen qymbat» maqalasynda, Nur Otan partııasynyń «О́zgerister joly: Ár azamatqa laıyqty ómir!», sondaı-aq elimizdiń basqa da strategııalyq jáne baǵdarlamalyq qujattarynda alǵa qoıylǵan», dep atap ótti vedomstvo basshysy.
