Oblystyq polısııa departamentiniń málimetinshe, ótkizilgen is-sharalar nátıjesinde esirtki zattaryn satty degen kúdikpen buryn birneshe ret sottalǵan 45 jastaǵy oblys turǵyny ustalǵan.
«Is-shara barysynda ósimdik tektes sur-jasyl zaty bar 11 qaǵaz býmasy tabylyp, tárkilendi. Saraptama qorytyndysyna sáıkes keptirilgen marıhýana esirtki zaty ekeni anyqtaldy. Kúdikti Ekibastuz qalasynyń ýaqytsha ustaý ızolıatoryna qamaldy», dedi Ekibastuz qalalyq polısııa basqarmasynyń basshysy Vasılıı Sklıar.
Polısııa atalǵan fakti boıynsha QR QK 297-baby esirtki jáne psıhotroptyq zattardy, olardyń analogtaryn ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý boıynsha sotqa deıingi tergeý júrgizýde.
Aıta keteıik, jyl basynan bastap Ekibastuz qalasynyń polıseıleri zańsyz aınalymnan 29 keliden astam esirtki zattaryn tárkilegen.
