Polısııa departamentiniń málimetinshe, aqmolalyq polıseıler Soltústik Qazaqstannan Kókshetaýǵa kelip, joǵalyp ketken 32 jastaǵy muǵalimniń turǵan jerin anyqtady.
«Ol Kókshetaý qalasyndaǵy qaraýsyz qalǵan jerlerdiń birinen tabyldy. Onda ol belgili bir turǵylyqty jeri joq adamdar arasynda túnep shyqty. Er adam bul áreketin túsindirip bere almady. Oǵan qatysty qandaı da bir qylmys pen quqyq buzýshylyq jasalmaǵany anyqtaldy», dep atap ótti vedomstvo ókili.
Polıseıler tek jyl basynan beri Aqmola oblysynda 33 adam joǵalyp ketkenin, onyń 26-sy izdestirilgenin aıtty. Jalpy oblys aýmaǵynda 30 adam izdestirilýde. Buǵan eriktiler men jergilikti turǵyndar jan-jaqty kómek kórsetip otyr.
Aıta keteıik, osydan 5 kún buryn saǵat 17:17 kezinde Kókshetaý qalalyq polısııa basqarmasynyń kezekshi bólimine SQO aýyldarynyń birinen 53 jastaǵy turǵyn habarlasyp, Kókshetaý qalasyna ketken 32 jastaǵy ulyn izdeýge kómek suraǵan edi.
