13 mamyrda Taldyqorǵan qalasynyń mamandandyrylǵan aýdanaralyq ákimshilik soty jelide «Taldykorgan-Police» paraqshasynda patrýldik polısııa qyzmetkerlerine ashyq jala jaýyp, olardyń ar-namysy men qadir-qasıetine nuqsan keltiretin jalǵan málimetter taratqan 48 jastaǵy «hudojnik tdk» paraqshasynyń ıesi, Taldyqorǵan turǵynyn 20 táýlikke ákimshilik qamaýǵa alý týraly qaýly shyǵardy.
«2021 jyldyń 27 sáýirinde JBO-dan patrýldik polıseılerge Taldyqorǵan qalasynda kámeletke tolmaǵan bala Toyota Land Cruiser avtokóligin basqaryp, jol qozǵalysy erejelerin buzǵany týraly aqparatty tekserý týraly nusqaý kelip tústi. Aqparat rastalyp, kólik ıesi ustaldy. Tártip saqshylary kámeletke tolmaǵan quqyqbuzýshynyń kim ekenin anyqtap, kólikti aıyp turaǵyna qoıdy. Ákimshilik hattama toltyryp, ustalǵan bala ata-anasyna tabystaldy. Alaıda, bul derek týraly oqyǵannan keıin, sot kináli dep tanyǵan er adam quqyq qorǵaý organdaryna jala jaýyp, kópshilik aldynda óziniń teris kózqarasyn bildirdi», deıdi polıseıler.
Muny monıtorıng barysynda anyqtaǵan polıseıler materıal jınap, QR ÁQBtK-niń 73-3-baby 2-bóligi boıynsha Ákimshilik quqyq buzýshylyq týraly hattama rásimdep, sotqa jiberdi.
