«Barlyq kompanııalarǵa usynǵan jaqsy jobalyq sheshimderi, sondaı-aq qurylysty ýaqtyly jáne tıimdi bastaǵany úshin alǵys aıtqym keledi. Olardyń árqaısysy aldarynda turǵan joǵary áleýmettik jaýapkershilikti sezinetinderine jáne óńirimiz úshin mańyzdy mıssııany naqty júzege asyrýǵa barlyq kúsh-jigeri men kásibı tájirıbelerin jumsaıtyndaryna senimdimin. Halyqqa berilgen ýádeniń bári oryndalady. Bul jumys el Prezıdenti Qasym-Jomart Kemeluly Toqaevtyń erekshe baqylaýynda ekenin atap ótkim keledi. Turǵyndar kúzge deıin turmysyn ornyqtyrý úshin úılerdiń qurylys merzimin qysqartýǵa tyrysamyz», dedi óńir basshysy.
Sondaı-aq Danıal Ahmetov munda úlken, sapaly úıleri men keń, jaryq kósheleri bar bar ádemi jáne zamanaýı shaǵyn aýdan paıda bolatynyn jetkizdi.
«Kelesi aptada kelisim jasalǵannan keıin jol tóseminiń negizin daıyndaý jumystaryna kirisedi. Úılermen qatar birden jol salyp, jaryqtandyrý júrgizip, aýmaqty, sonyń ishinde balalar men sport alańdaryn abattandyramyz. 24 mamyrda, ýáde etilgendeı, taǵy bir márte turǵyndarmen kezdesý ótkizemin. Merdiger uıymdarmen birge qurylys jumystarynyń barysymen tanystyramyz. Qoldaý men kómek úshin barshańyzǵa zor alǵysymdy bildiremin. Bizdiń kúshimiz - birligimizde!», dedi Danıal Ahmetov.
