Munda júıke júıesi, bel omyrtqasy aýyratyn, tirek-qımyl apparaty buzylǵan naýqastarǵa tegin qyzmet kórsetiledi. Ol úshin turǵyndar mindetti áleýmettik medısınalyq saqtandyrý qoryna ótinish jiberýi qajet.
Ońaltý ortalyǵynyń quryltaıshysy Samat Muqanovtyń aıtýynsha, naýqastardy tuzben, toqpen, sýmen emdeýge barlyq jaǵdaı jasalǵan. Tynys alý, qımyl-qozǵalys, massaj kýrstary da qarastyrylǵan. «Magnıttik óris», «Tuzdy shahta» bólmeleri bar.
«Bizde 30-ǵa jýyq maman qyzmet etedi. Qurylǵylardyń deni zamanaýı sońǵy úlgide shyqqan. Máselen, osy ýaqytqa deıin júrek-qan tamyry, júıke júıesi, tirek-qımyl apparaty zaqymdanǵan naýqastar basqa qalalarǵa qatynasa, endi aýdanǵa qarasty aýyl turǵyndary alysqa barmaı-aq, osy ortalyqqa kelip em alýyna múmkindik bar. Emi qanshalyqty erte bastalsa, sonshalyqty nátıjege qol jetkizýge bolady. Munda ár naýqastyń em alýy kezeń-kezeńimen júrgiziledi», deıdi «AksonMed» ońaltý ortalyǵynyń quryltaıshysy Samat Muqanov.
Aıta keteıik, aldaǵy ýaqytta kezeń boıynsha 250 adamǵa shaqtalǵan ortalyqtyń 50 tósek-ornyn balalarǵa berý josparlanyp otyr.
