Qatardaǵy jaýynger Darhan Myrzabaev 16 mamyr túngi saǵat 3:00 shamasynda qolǵa tústi. Ony áskerı polısııa qyzmetkerleri Saryózek stansasynan tapqan.
«Qashyp ketken azamat úıin saǵynǵandyqtan osyndaı qadamǵa barǵanyn aıtty. Qazir Myrzabaev Otan aldynda boryshyn ótep jatqan áskerı bólimshege jetkizildi. Oǵan qatysty qyzmettik tekseris júrip jatyr. Soǵan sáıkes tıisti tártiptik shara qoldanylatyn bolady» delingen Ulttyq Ulannyń baspasóz qyzmeti tartqan habarlamada.
Aıta keteıik, 14 mamyr kúni Almaty oblysynyń Zarechnyı aýylynda ornalasqan 5574 áskerı bóliminen qatardaǵy jaýynger Darhan Myrzabaev qashyp ketti. Ony áskerdiń jeke quramy izdep, qolǵa túsirdi. Aıta keteıik, D. Myrzabaev Shyǵys Qazaqstannyń Jarma aýdanynan áskerge shaqyrylǵan edi.
