Aımaqtar • 17 Mamyr, 2021

Esil ózenine jańa kópir salynady

54 ret kórsetildi

Elorda «Nur-Sultan – jaıly qala» master-jospary aıasynda damyp keledi. Bıyl jalpy alǵanda 160 aýla men qoǵamdyq keńistikti abattandyrylady. Bul týraly elorda ákimi Altaı Kólginov Instagram paraqshasynda jazdy, dep habarlaıdy Egemen.kz.

«Qala turǵyndarynyń ótinishteri men qoǵamdyq keńistikterdiń (skverler, saıabaqtar, býlvarlar) qajet ekendigin eskere otyryp, bıyl olardy keńeıtý boıynsha aýqymdy jumystar júrgizip kelemiz.

Máselen, B.Momyshuly dańǵyly boıymen jaǵalaýǵa deıin jaıaý júrginshiler jelekjolyn abattandyramyz. Tolqyn tárizdi alleıa aýmaǵynda ústel tennısi men shahmatqa arnalǵan ústelder, demalýǵa jáne átkenshek tebýge arnalǵan kóleńkeli aımaqtar ornatýdy josparlap otyrmyz. Bul Trıatlon parkin jańa bórtegúl baǵymen biriktire otyryp, eko-marshrýt qurýǵa múmkindik beredi. Onda myńnan astam bórtegúl kóshetin otyrǵyzamyz. Bórtegúl baqshasy bolady.

Byltyr Trıatlon saıabaǵyn aýqymdy abattandyrýdy bastadyq. О́tken jyly qalada alǵash ret kópir alańdary abattandyryldy. Saraıshyq kóshesindegi kópirdiń astynda sportpen aınalysýǵa arnalǵan birneshe aımaq ashyldy, saıabaq aýmaǵynda fýtbol alańdary ornatyldy. Bul kópir - Trıatlon men Prezıdent saıabaǵy arasyndaǵy kópir, ol bıyl óz jalǵasyn tabady», dep jazdy elorda ákimi.

Qala ákiminiń aıtýynsha, Tuńǵysh Prezıdent saıabaǵynda kóleńkeli bastyrmalar, átkenshekter, úsh sýburqaq, onyń ishinde tumandy býlaný, oryndyqtar jáne t. b. ornatylǵan. Aldaǵy ýaqytta ózen arqyly velo-jaıaý júrginshi kópirin salýdy josparlanýda.

«Bul kópir eki saıabaqty – Tuńǵysh Prezıdent saıabaǵy men Esil ózeniniń boıyndaǵy saıabaqty biryńǵaı klastermen biriktirýge múmkindik beredi. Osylaısha qala turǵyndary aýdandar arasynda kedergisiz júre alady. Kópirdiń boıynda demalys aımaqtaryn jabdyqtaımyz, al kópirdiń ishine átkenshek ornatamyz.

Memleket basshysynyń tapsyrmasy boıynsha qoǵamdyq keńistikterdi (saıabaqtar, skverler, býlvarlar, baqtar) abattandyrý kezinde kógaldandyrýǵa erekshe nazar aýdaramyz, óıtkeni bul - qala damýynyń ajyramas bóligi.

Bıylǵy kógaldandyrý jumystarynyń ereksheligi aýlalyq aýmaqtardan, saıabaqtardan, skverlerden, býlvarlardan, eldi mekenderden basqa, kórikti jerlerimizdiń irgeles aýmaqtaryn kógaldandyrýǵa kiriskenimizde. Bul «beton oryndar» sanyn azaıtady. Mysaly, «Astana Opera» aýmaǵynda emen baǵy, Trıatlon saıabaǵynda bórtegúl baǵy, Q.Qýanyshbaev atyndaǵy Qazaq mýzykalyq-drama teatry men «Astana Balet» aýmaǵynda jasyl baq paıda bolmaq», dedi Altaı Kólginov.

Qazir barlyq jerde aǵash otyrǵyzylýda. Qalanyń barlyq aýdandaryn, sonyń ishinde eldi mekender de bar. Aǵash otyrǵyzýǵa qala turǵyndary, eriktiler, kásipkerler de qatysýda. Osy jyly 1 mln-nan astam jasyl jelek (aǵashtar, butalar, kóshetter jáne t. b.) otyrǵyzýdy josparlanǵan. Qazirdiń ózinde qalanyń jasyl túske aınalǵanyn, jańa ekoaımaqtar men «jasyl araldar» paıda bolǵanyn kórýge bolady.

«Eger jyldan-jylǵa sapaly aǵash otyrǵyzyp, kórsetkishti tómendetpesek, elordamyz sanaýly jyldar ishinde jasyl qalaǵa aınalmaq. Bir kezderi tek daladan turǵan qala baqsha qalasy bolady. Bul bizdiń maqsatymyz jáne oǵan birge jetemiz.

Elordany «Nur-Sultan - jaıly qala» master-jospary aıasynda damytýdamyz. Osy jyly jalpy alǵanda 160 aýla men qoǵamdyq keńistikti abattandyramyz», dep jazdy elorda ákimi.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar