Úkimet • 18 Mamyr, 2021

Úkimet basshysy jumys saparymen Pavlodar oblysyna bardy

47 ret kórsetildi

Úkimet basshysy Asqar Mamın Pavlodar oblysyna jumys sapary barysynda energetıka, mashına jasaý, metallýrgııa ónerkásibi jáne qurylys materıaldary óndirisi salalaryndaǵy ınvestısııalyq jobalardyń iske asyrylýymen tanysty, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Ekibastuz qalasynda Úkimet basshysyna QR Prezıdenti Qasym-Jomart Toqaevtyń qalany damytýdyń 2021-2025 jyldarǵa arnalǵan keshendi josparyn ázirleý jónindegi tapsyrmasynyń oryndalý barysy týraly baıandaldy. Qujat jaıly qalalyq ortany, ekonomıkanyń naqty sektoryn damytý, jumyspen qamtamasyz etý, áleýmettik jáne ınjenerlik ınfraqurylymdy jaqsartý, ekologııalyq problemalardy sheshý boıynsha 118 is-sharany júzege asyrýdy kózdeıdi. 2025 jylǵa qaraı óńdeý ónerkásibiniń úlesin 4 ese – 5%-dan 20%-ǵa deıin arttyrý arqyly qala ekonomıkasynyń otyn-energetıka keshenine jáne taý-ken óndirisi salasyna táýeldiligin tómendetý kózdelgen.

Mashına jasaý, AT-tehnologııalar, kómir hımııasy, qyzmet kórsetý salalarynda 16,5 myńnan astam jańa jumys orny qurylatyn bolady. Jospardy iske asyrýǵa 932,3 mlrd teńge qarastyrylǵan, onyń 84%-dan astamy — jeke ınvestısııalar. Ekibastuz MAES-1-di aralaý kezinde «Samuryq-Qazyna» AQ basqarma tóraǵasy Almasadam Sátqalıev Premer-Mınıstrge QR atalǵan iri jylý elektr stansasyn jańǵyrtý jónindegi jumystardyń barysy, Ekibastuz MAES-2 №3 jańa energııa blogyn salý jobasyn iske asyrý, sondaı-aq elektr energetıkasy salasyndaǵy basqa da ınvestısııalyq jobalar týraly baıandady.

Ekibastuz MAES-1-de elektr súzgilerin ornatýmen №1 energııa blogyn qalpyna keltirý jumystary júrgizilýde. Jobany iske asyrý stansanyń qýatyn 550 MVt-qa – 4050 MVt-qa deıin ulǵaıtýǵa jáne kúl-qojdy joıýdyń zamanaýı tehnologııalaryn qoldaný esebinen qorshaǵan ortaǵa áserin aıtarlyqtaı tómendetýge múmkindik beredi. Jobanyń quny 123,7 mlrd teńgeni quraıdy, bul rette stansany paıdalanýǵa berý merzimin qysqartyp, jobany 2023 jyly aıaqtaý kózdelgen.

1

Osylaısha, qysqa merzimdi perspektıvada QR ósip kele jatqan ekonomıkasynyń qajettilikterin qamtamasyz etý, iri ındýstrııalyq jobalardy iske asyrý úshin shamamen 1200 MVt qýat iske qosylady. Úkimet basshysyna Ekibastuz qalasynyń ındýstrııalyq aımaǵynda iske asyrý josparlanǵan, jalpy somasy 227,5 mlrd teńgege taý-ken óndirisi, metallýrgııa, kómir-hımııa jáne óńdeý ónerkásibi salasyndaǵy perspektıvaly ınvestısııalyq jobalar tanystyryldy. Qazaqstannyń metallýrgııa ónerkásibiniń iri jobalarynyń biri qýaty jylyna 240 myń tonna joǵary markaly ferrosılısıı jáne 12 myń tonna mıkrokremnezemdi quraıtyn ferroqorytpa zaýytyn salý bolady. Jobany «EkibastuzFerroAlloys» JShS 2021-2023 jyldar aralyǵynda júzege asyrady. Joba quny 55 mlrd teńgeden asady.

Kásiporynnyń qurylysy kezinde 1,5 myń jumys orny, al ol iske qosylǵannan keıin 800 turaqty jumys orny ashylady. Jobany iske asyrý Qazaqstannyń ferroqorytpa naryǵyndaǵy eksporttyq áleýetin arttyrady jáne ferrosılısıı eksporttaýshylarynyń álemdik reıtınginde QR pozısııasyn 5-orynnan 2-orynǵa deıin jaqsartýǵa múmkindik beredi. «Ansa Silicon» kompanııasy qýaty jylyna 35 myń tonna ónim shyǵarý bolatyn tehnıkalyq kremnıı óndiretin zaýyt salýdy josparlap otyr. Jobanyń quny – 40 mlrd teńgeden astam, ony 2023 jyly paıdalanýǵa berý josparlanǵan. 400-ge jýyq jańa jumys orny qurylady. О́nimderi AQSh, Japonııa jáne Eýropalyq Odaq elderine eksporttalady. Úkimet basshysy temir jol dóńgelekterin («Prommashkomplekt» JShS), temir jol osteri men dońǵalaq juptaryn («R.W.S. Wheelset»), temir-beton shpaldary men bileýler («R.W.S. Concrete»), bekitý buıymdaryn – serpimdi klemmalardy, burandamalar men buramalardy («FerroTransTreıd») óndiretin kásiporyndarǵa bardy.

Eksport kólemi ónimniń 70-80% quraıdy. Ekibastuz qalasynda GFR jáne RF ınvestorlarynyń qatysýymen «Railcast Systems» JShS ustalyq-bandaj kesheni qurylysynyń jobasyn júzege asyrý Qazaqstanda temir jol mashınasyn jasaýdy damytýǵa jańa serpin beredi. О́ndiristiń qýaty – jylyna lokomotıvterge, úlken tisti dońǵalaqtardyń daıyndamalaryna jáne soǵylǵan buıymdarǵa arnalǵan 112 myń qara qursaý. Jobanyń quny – 70,1 mlrd teńge, iske asyrý merzimi – 2024 jyl, 600 jumys orny qurylady.

1

Kásiporyndy iske qosý QR-nyń atalǵan ónimge ishki qajettiligin tolyq qamtamasyz etýge múmkindik beredi. Bul rette 81%-y syrtqy naryqtarǵa eksporttalatyn bolady. Pavlodar qalasynda Premer-Mınıstr «Qazaqstan alıýmınııi» AQ óndirisiniń damýymen jáne ekologııalyq strategııasynyń iske asyrylýymen tanysty, túrli maqsattaǵy arnaıy tehnıkany shyǵaratyn «TemirMash» zaýytyna, qurylys materıaldaryn daıyndaıtyn «ZENITH» zaýytyna bardy.

Bıylǵy jyldyń 4 aıynyń qorytyndysy boıynsha Pavlodar oblysynda ónerkásip óndirisiniń kólemi 2020 jyldyń sáıkes kezeńimen salystyrǵanda 4,2%-ǵa 573,7 mlrd teńgege deıin, onyń ishinde óńdeý ónerkásibi 5,9%-ǵa ósti. Jumys saparyna ulttyq ekonomıka mınıstri Áset Erǵalıev, ındýstrııa jáne ınfraqurylymdyq damý mınıstri Beıbit Atamqulov, energetıka mınıstri Nurlan Noǵaev, sondaı-aq «Samuryq-Qazyna» AQ basqarma tóraǵasy Almasadam Sátqalıev qatysty.

Sońǵy jańalyqtar

«Demeý» jobasy aýyldy demeıdi

Aımaqtar • Búgin, 22:55

«Qaragóz» jasyrǵan shyndyq

О́ner • Búgin, 22:49

Elorda – órken jaıǵan óner tóri

О́ner • Búgin, 22:40

Syna qaqqandar sotta jeńilip qaldy

Elorda • Búgin, 22:29

Beıqamdyq beleń alyp tur

Koronavırýs • Búgin, 22:22

Úlken qalada adasý

Rýhanııat • Búgin, 22:10

ShQO-da jasóspirimder ýly gazben ýlandy

Aımaqtar • Búgin, 19:40

Qazaqstanda jańa mereke paıda bolady

Qoǵam • Búgin, 16:45

Ulttyq bank stýdentterdi jumysqa shaqyrdy

Ekonomıka • Búgin, 16:01

Qostanaıda kópqabatty úı órtendi

Aımaqtar • Búgin, 15:01

Kaspıı mańynda jer silkingeni ras pa?

Aımaqtar • Búgin, 14:25

Revaksınasııa kimniń esebinen júrgiziledi?

Koronavırýs • Búgin, 12:37

Almatyda eki adam esirtkimen ustaldy

Oqıǵa • Búgin, 12:28

Elimizde kedeılik 9 ese tómendedi

Qoǵam • Búgin, 12:08

Uqsas jańalyqtar