Endi jańa tártip boıynsha flıýrografııadan ótý mindetti bolmaıdy.
Komıssııa quramyna: terapevt, okýlıst, otorınolarıngolog, medısınalyq psıholog ne psıholog jáne narkolog maman kiredi. Medısınalyq komıssııa shtatynda mamandar bolmasa komıssııa quramyna medısınalyq uıym basshylarynyń kelisimi boıynsha tıisti beıindegi mamandar engiziledi.
Qujattardy qabyldaý jáne memlekettik qyzmet kórsetý nátıjelerin berý tártibi ózgertildi. Eger buryn bul tek qyzmet berýshi (medısınalyq uıym) arqyly júrgizilse, endi qujattardy «elektrondyq úkimet» veb-portaly arqyly jiberý jáne alý múmkindigi bar.
Memlekettik qyzmetti elektron formatta alý úshin júrgizýshi kýáligin alǵysy keletin adam portalda ótinim jasap, oǵan ESQ arqyly qol qoıýy kerek. Nátıjesi adamnyń «jeke kabınetine» elektron qujat túrinde jiberiledi.
