Is-shara barysynda SIM basshylary UQShU-nyń qazirgi qyzmeti jáne ony damytý perspektıvalary týraly keń aýqymdy máselelerdi talqylap, halyqaralyq kún tártibindegi ózekti máseleler boıynsha pikir almasty.
M.Tileýberdi otyrysqa qatysýshylardy UQShU formatyndaǵy yntymaqtastyq boıynsha Qazaqstannyń ustanymy týraly habardar etip, uıymdy odan ári jan-jaqty damytýǵa baǵyttalǵan birqatar usynys aıtty.
Qazaqstan Prezıdenti Qasym-Jomart Toqaevtyń UQShU-nyń 2020 jyly jeltoqsanda ótken sammıtinde usynǵan bitimgershilik máseleleri boıynsha UQShU Bas hatshysynyń Arnaıy ókili ınstıtýtyn qurý týraly bastamasyn iske asyrýǵa erekshe nazar aýdaryldy. Mınıstr áriptesterine jáne UQShU Bas hatshysy Stanıslav Zaske Qazaqstan Prezıdentiniń bastamasyn iske asyrý boıynsha tyńǵylyqty dıalog pen praktıkalyq ıdeıalar úshin rızashylyǵyn bildirdi.
Otyrys qorytyndysy boıynsha mınıstrler qujattardyń jobalaryn maquldady, olardyń birqatary osy jyldyń tórtinshi toqsanyna Dýshanbede ótkizý josparlanǵan UQShU Ujymdyq qaýipsizdik keńesiniń sessııasyna shyǵarylatyn bolady. Olardyń ishinde – UQShU-ǵa múshe memleketterdiń aýmaqtarynda Ujymdyq qaýipsizdik júıesiniń kúshteri men quraldary quralymdarynyń ýaqytsha bolýyna baılanysty ister boıynsha ıýrısdıksııa jáne quqyqtyq kómek kórsetý máseleleri jónindegi kelisim men Ujymdyq qaýipsizdik týraly shartqa qol qoıylýynyń 30 jyldyǵyna jáne UQShU 20 jyldyǵyna arnalǵan is-sharalar jospary bar.
Syrtqy saıasat vedomstvolarynyń basshylary Nıýrnbergtegi halyqaralyq áskerı trıbýnal úkiminiń 75 jyldyǵyna oraı, Bıologııalyq jáne ýytty qarýlarǵa tyıym salý týraly konvensııany nyǵaıtý týraly, UQShU-nyń memlekettermen jáne halyqaralyq uıymdarmen yntymaqtastyǵy týraly, Reseı men AQSh arasyndaǵy strategııalyq shabýyl qarýlaryn odan ári qysqartý jáne shekteý jónindegi sharttyń qoldanylý merzimin uzartýǵa qatysty tórt saıası málimdeme qabyldady.
Aıta keteıik, UQShU 2002 jyly qurylǵan jáne halyqaralyq óńirlik uıym bolyp tabylady, onyń quramyna Qazaqstanmen qatar Armenııa, Belarýs, Qyrǵyzstan, Reseı jáne Tájikstan kiredi. UQShU-da qabyldanǵan rotasııalyq tetikke sáıkes Syrtqy ister mınıstrleri keńesinde tóraǵalyq etý osy jyly Tájikstan Respýblıkasyna júkteldi.
