Kenesary músini menmundalady

Árıne, synı pikirler de aıtyldy. Deı ­tur­ǵanmen, tuǵyrǵa qonǵan Han Keneni shaǵyn aýyldyń tórinen kóremiz dep oılamaǵan edik.

Byltyr Jańǵyztóbe ken­tindegi bos turǵan alańǵa saıa­baq salynǵan. Saıabaqtyń oń jaq qaptaly sporttyq alań bolsa, tór jaǵyna kishigirim sah­na qoıylǵan. Eldegi indettiń beti qaıtyp, qalypty ómirge oralǵan soń aýyldaǵy keıbir merekelik sharalar, sporttyq ja­rystar osynda ótedi. Al baq­­­tyń tórinde jergilikti qa­ýymdastyq músheleriniń usy­ny­symen qazaqtyń sońǵy hany  Kenesarynyń músini men­mun­dalady. Taqta otyrǵan han­nyń aıbarly, susty músini demeý­shilerdiń kómegimen jasaldy. Av­tory Semeıdegi «Toly» JShS jetekshisi Máýken О́te­jan eken.

Kenesary Qasymuly 1837 jyly úsh júzdiń basyn qo­syp, ult-azattyq kóterilisin ja­sa­ǵany tarıhtan aıan. Ol bala kezinen-aq at qulaǵynda oınady, quralaıdy kózge atqan mergen boldy. Qara qyldy qaq jarǵan ádildigimen, júrek jutqan ba­tyldyǵymen, qaısarlyǵymen tanyldy. Ta­rıhtaǵy derekterge súıensek, Han Kene orta boıly, tórtpaq tulǵaly adam bol­ǵan eken. Az sóılep, kóp tyń­dapty. О́zin ózi asa baısaldy ustaǵan desedi. Ras, qazaqtyń azattyǵy úshin kúresken batyr babamyzdyń atyna kóshe berip, eskertkishin qoıyp jatsaq ar­tyqtyq etpeıdi. Kerisinshe, ósip kele jatqan urpaq úshin tárbıe emes pe?!