Aımaqtar • 20 Mamyr, 2021

Qamys arasyna jasyrylǵan qaıyqtar tárkilendi

858 ret kórsetildi

Elimizdiń batysynda «Bekire-2021» balyq qorǵaý aksııasy jalǵasyp jatyr, dep habarlaıdy Egemen.kz.

Atalǵan aksııa aıasyndaǵy reıd kezinde qamys arasyna jasyrylǵan úsh júrdek qaıyq tabyldy.

Atyraý oblysynda 18 mamyrda quramynda balyq qorǵaý, polısııa, shekara qyzmeti, tabıǵat qorǵaý prokýratýrasynyń qyzmetkerleri bar mobıldi top reıdtik is-shara ótkizdi. Is-shara kezinde Kaspıı teńiziniń soltústik bóliginiń jaǵalaýyndaǵy Isataı aýdanynyń Janbaı, Zıneden eldi mekenderi qamtyldy. Reıdke tikushaq pen jyldam júretin katerler jumyldyryldy.

«Teńizge taıaý ornalasqan Janbaı aýylynyń mańyndaǵy qamys arasynan tabylǵan «Iаmaha-200» aspaly motory bar «Baıda» úlgisindegi úsh júrdek qaıyq, tárkilenip, Atyraý qalasyndaǵy aıyp turaǵyna jetkizildi. Atalǵan derekke qatysty polısııa qyzmetkerleri QR Ákimshilik quqyqbuzýshylyq týraly Kodeksiniń 512-babymen(Qazaqstan Respýblıkasynyń aýmaqtyq sýlarynyń (teńiziniń) jáne ishki sýlarynyń rejımderin buzýákimshilik hattama toltyrdy. Jınaqtalǵan is-qujattary júzý quraldarynyń ıelerin anyqtaý úshin kóliktik baqylaý ınspeksııasyna jiberildi» dep habarlady Balyq sharýashylyǵy komıtetiniń baspasóz qyzmeti.

05

Osy kezge deıin Atyraý, Mańǵystaý jáne Batys Qazaqstan oblystarynyń aýmaǵynda balyq qorǵaý aksııasy aıasynda 1000-nan astam quqyq buzýshylyq anyqtaldy. Al, zańsyz aınalymnan 30 tonnadan astam balyq, onyń ishinde 4,5 tonnadan astam bekire tuqymdas balyq túrleri alynypty. Quqyq buzýshyardan 3,5 myń túrli aýlaý, sondaı-aq 80 júzý jáne transport quraly tárkilenip otyr.

 

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar