Saılaý 2021 jyldyń tamyz aıynan bastap ókilettigi aıaqtalatyn ákimderge qatysty bolady. Bul rette saılaý 40 kún buryn jarııalanady. Al saılaýdyń ózi is basyndaǵy ákimniń ókilettik merzimi aıaqtalǵanǵa deıin 10 kún buryn ótedi.
«Osylaısha, alǵashqy tikeleı saılaý osy jyldyń shilde aıynyń sońǵy onkúndiginde ótýi tıis. Bul rette kandıdattardy usyný saılaý jarııalanǵannan keıin kelesi kúni bastalady jáne saılaý ótkiziletin kúnge deıin 15 kún buryn aıaqtalady. Iаǵnı uzartý merziminiń uzaqtyǵy 14 kúnge deıin jetýi múmkin. Osy ýaqyt ishinde kandıdat tirkeýge qajetti qujattardy jınaýmen aınalysady», dedi mınıstrlikten.
Kandıdattardy tirkeý saılaý kúninen 10 kún buryn aıaqtalady. Osy kezeńde aýmaqtyq saılaý komıssııasy usynylǵan qujattardyń durystyǵyn tekseredi. Saılaý kúniniń aldyndaǵy sońǵy onkúndikte úgit-nasıhat is-sharalary, tirkelgen kandıdattar týraly buqaralyq aqparat quraldarynda jarııalanymdar jáne saılaýǵa daıyndyq júzege asyrylady.
«Saılaý ótkizilgennen keıin úsh kún ishinde qorytyndy shyǵarylady, jeti kún ishinde saılanǵan ákimdi tirkeý júzege asyrylady. Bul rette saılanǵan ákimniń ókilettigi ony tıisti aýmaqtyq saılaý komıssııasy tirkegen kezden bastalady», dep túsindiredi vedomstvodan.
